Minkult adkazaŭ na pietycyju suprać pryznańnia bieł-čyrvona-biełaha ściaha ekstremisckim
Ułady adreahavali na pietycyju suprać pryznańnia BČB-ściaha ekstremisckim. Nahadajem, jana źjaviłasia ŭ kancy studzienia, pad joj padpisalisia bolš za 100 tysiač čałaviek. Stvaralniki adpravili jaje ŭ Ministerstva kultury, Hienprakuraturu i MUS. 12 lutaha byŭ atrymany adkaz ź Ministerstva kultury.
U pietycyi byli patrabavańni pryznać bieł-čyrvona-bieły ściah historyka-kulturnaj spadčynaj i pierastać pryciskać biełarusaŭ za hetuju simvoliku.
— Pytańni abmiežavańnia bieł-čyrvona-biełaj simvoliki zakanadaŭstvam ab kultury nie rehulujucca i da śfiery dziejnaści Ministerstva kultury nie adnosiacca, — paviedamlajecca ŭ adkazie za podpisam Valeryja Hramady, namieśnika ministra kultury.
U liście Hramada paviedamiŭ, što dla nadańnia takoha statusu — pa Kodeksie «Ab kultury» — patrabujucca materyjały fiksacyi, navukovaj apracoŭki i mastackaj acenki kulturnaj kaštoŭnaści. Biez hetaha prapanovy ab nadańni takoha statusu nie razhladajucca.
Jak adznačajecca ŭ liście, akramia Kodeksa «Ab kultury» pavinny ŭličvacca patrabavańni Kanviencyi ab achovie niemateryjalnaj kulturnaj spadčyny JUNIESKA.
— Ściahi siarod pieraličanych elemientaŭ u Kanviencyi nie pradstaŭleny i ŭ Dziaržaŭnym śpisie historyka-kulturnych kaštoŭnaściaŭ adsutničajuć. Takim čynam, padstavy dla ŭklučeńnia bieł-čyrvona-biełaha ściaha ŭ Dziaržaŭny śpis historyka-kulturnych kaštoŭnaściaŭ Respubliki Biełaruś adsutničajuć.
Ciapier čytajuć
Minčuk zabiŭ maci i cieścia, a paśla 15 hadoŭ atrymlivaŭ za ich piensiju1
Kamientary