MUS ab masavych pieratrusach: Znajšli niešta «padobnaje da pistaleta» i niešta «padobnaje da narkotykaŭ»
MUS prakamientavała pieratrusy, jakija prajšli 16 lutaha ŭ pravaabaroncaŭ, prafsajuznych aktyvistaŭ i miedyja-resursaŭ «pratesnaha tołku». Pavodle infarmacyi viedamstva, mierapryjemstvy pravodzilisia va ŭsich abłasnych centrach krainy ŭ adpaviednaści z daručeńniem SK Biełarusi pa kryminalnaj spravie ab arhanizacyi i padrychtoŭcy dziejańniaŭ, jakija hruba parušajuć hramadski paradak.
«Padčas śledčych dziejańniaŭ kanfiskavanyja hrošy ŭ roznaj valucie (bolš za 80 tysiač dalaraŭ u ekvivalencie), dakumienty na atrymańnie zamiežnych hrantaŭ i sotni kvitancyj na apłatu štrafaŭ fizičnych asob i jurydyčnych pasłuh, pratesnaja litaratura i materyjały ab formach i mietadach procidziejańnia supracoŭnikam milicyi, u tym liku hvałtoŭnaha charaktaru. Akramia taho, vyjaŭlenyja dakumienty z rekvizitami dla hrašovych pieravodaŭ, niezarehistravanaja simvolika (raściažki, baniery, ściahi), dakumientacyja ab ustupleńni ŭ stačkamy, ankiety ab akazańni dapamohi psieŭdarepresavanym, litaratura, jakaja prapahanduje ŁHBT-kaštoŭnaści, a taksama siertyfikaty pa navučańni ŭ zamiežnych VNU», — havorycca ŭ paviedamleńni».
Taksama, pavodle infarmacyi MUS, siarod kanfiskavanaha — mierkavana narkatyčnyja rečyvy i pradmiet, padobny da pistaleta (nakiravany na ekśpiertyzu), a taksama ofisnaja technika, noŭtbuki, płanšety, mabilnyja telefony, nazapašvalniki infarmacyi, fota- i videatechnika, bankaŭskija karty, u tym liku zamiežnych bankaŭ.
USU rajać žycharam Biełharadskaj vobłaści vyviešvać žoŭta-błakitnyja ściahi ci pisać BNR, kab paźbiehnuć atak dronaŭ1
Kamientary