«Svabodu žurnalistam!» Minčuki vyjšli na subotnija dvarovyja maršy, vyviesili ściah i pafarbavali śnieh
Z momantu vybaraŭ prajšło bolš za paŭhoda, ale pratesty nie spyniajucca. Niahledziačy na maroz, ludzi vychodziać na vulicu, kab vykazać svoj pratest represijam, jakija ŭzmacniajucca.
U mikrarajonie Uschod u Minsku žychary vyjšli na marš salidarnaści z represavanymi žurnalistkami Biełsata Darjaj Čulcovoj i Kaciarynaj Andrejevaj. «Darja, z narodzinami!» — pieradajuć žychary Uschodu. Siońnia dziaŭčynie spaŭniajecca 24 hady.
Pry hetym žychary Minska nieśli płakaty «Eto vsie fiejk!», reahujučy na zajavu MUS pra toje, što nijakich dvarovych šeściaŭ u horadzie nie adbyvałasia, a videa ich — fejki «destruktyŭnych telehram-kanałaŭ».
Nahadajem, Čulcova i Andrejeva atrymali dva hady kałonii za strym z płoščy Pieramien.
Mikrarajonny marš prajšoŭ taksama ŭ minskaj Arłoŭcy. Łancuh salidarnaści staŭ na Kamiennaj Horcy. A piensijaniery sabralisia na praśpiekcie Dziaržynskaha la miemaryjału «Pamiać».
Jašče ŭ adnym rajonie ludzi namalavali na śniezie čyrvonuju pałasu i napisali «0%».
U Šabanach na domie vyviesili vialiki nacyjanalny ściah.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary