«Dy ŭs*ałasia mnie vaša «ridna mova». 15-hadovaja ciktokierka z Kijeva trapiła ŭ skandał, ale znajšła sposab uratavacca VIDEA
«Ja prašu prabačeńnia za niehatyŭnyja vykazvańni ŭ bok ukrainskaj movy. Usie ludzi ździajśniajuć pamyłki, i ja nie vyklučeńnie. Heta była reakcyja na abrazy mianie. Nasamreč ja dobra viedaju ŭkrainskuju movu, svabodna joj vałodaju, ale ź nievialikim akcentam. Mnie padabajecca žyć va Ukrainie, ja nivodnaha kryŭdnaha słova nie skazała ŭ bok hetaj krainy. Ja nie chacieła kryŭdzić ludziej, prabačcie», — z takim zvarotam vystupiła 15-hadovaja ciktokierka, žycharka Kijeva Liza Laonienka.
Rasijskija ŚMI i telehram-kanały aburajucca, što dziaŭčynu prymusili zapisać heta videa nasupierak pryncypam svabody słova.
Što ž heta za historyja, jakaja apynułasia ŭ centry ŭvahi sacsietak i va Ukrainie, i ŭ Rasii?
Ukrainskaja školnica Liza Laonienka maje bolš za 140 tysiač padpisčykaŭ u sacsietcy Ciktok. Sumnieŭnuju papularnaść jana zdabyła dziakujučy niecenzurnamu abraźlivamu videa pra ŭkrainskuju movu.
«Dy ŭs*ałasia mnie vaša «ridna mova». Kali čałaviek nie lubić hetuju movu, to navošta na joj razmaŭlać. Kab vy razumieli, nakolki ja admoŭna staŭlusia da ŭkrainskaj movy, ja nie budu siabravać z tym čałaviekam, jaki razmaŭlaje pa-ŭkrainsku. Mianie vielmi jatryć heta mova, asabliva jaje hučańnie. Tamu maleńkija patryjociki sa svaich siołaŭ, ad*biciesia ad mianie, kali łaska. Čamu ź siołaŭ? Tamu što ŭ Kijevie, ***dź, amal nikoha niama, chto razmaŭlaje pa-ŭkrainsku. Usie havorać na ruskaj, i nikoha heta nie ***», — zajaviła Liza svaim padpisčykam.
Asablivaść situacyi ŭ tym, što dziaŭčynie 15 hadoŭ i pryciahnuć jaje niemahčyma ni da administratyŭnaj, ni da kryminalnaj adkaznaści.
Zajava vyklikała rezanans va ŭkrainskim hramadstvie. Što było paśla? Lizu Laonienka dadali ŭ bazu sajta «Miratvorac» za «ŭdzieł u infarmacyjnaj śpiecapieracyi Rasii suprać Ukrainy». Błohiery daviedalisia, što baćka dziaŭčyny — čynoŭnik, a maci vałodaje sietkaj «Panini-hryl». Ad baćkoŭ patrabavali vybačeńnia za vykazvańni dački i zaklikali da bajkotu ich biznesu.
Praź niekalki dzion školnica zapisała videa, u jakim pryznała svaju pamyłku i paprasiła prabačeńnia ŭ ludziej.
Ciapier čytajuć
«Patraciła 300 rubloŭ — a jašče tolki siaredzina červienia!» Biełarusy abmiarkoŭvajuć vydatki na pakos travy i dzielacca łajfchakami6
Kamientary