Kiraŭnik apazicyjnaj partyi «Adziny nacyjanalny ruch», jakuju nazyvajuć partyjaj Saakašvili, Nika Mielija zatrymany ŭ Tbilisi. Pra heta paviedamlaje telekanał Rustavi 2.
Cpiecnaz zatrymaŭ Mieliju ŭ ofisie Partyi, užyŭšy ślezaciečny haz padčas apieracyi. Pavodle infarmacyi hruzinskaha Pieršaha kanała, razam z palitykam za supraciŭ palicyi zatrymanyja bolš za dziesiać čałaviek, u tym liku apazicyjanier Iraklij Nadziradze.
U sieradu, 17 lutaha, Tbiliski haradski sud zavočna aryštavaŭ jaho pa spravie ab biesparadkach 2019 hoda. Paśla hetaha da ofisu ANR pryjechali prychilniki ŭsich apazicyjnych siłaŭ u krainie. Jany dziažuryli tam usiu noč, paabiacaŭšy, što nie daduć aryštavać Mieliju. Na nastupny dzień premjer-ministr Hieorhij Hacharyja syšoŭ u adstaŭku. Jon zajaviŭ ab niazhodzie z rašeńniem ab źniavoleńni Mielii.
Kryminalnaja sprava suprać Niki Mielii było raspačata ŭ červieni 2019 hoda. Jaho abvinavačvajuć u arhanizacyi i ŭdziele ŭ masavych biesparadkach u červieni 2019 hoda, jakija zaviaršylisia sprobaj šturmu parłamienta.
20 i 21 červienia 2019-ha ŭ hruzinskim parłamiencie prachodziła siesija Hienasamblei Mižparłamienckaj asamblei pravasłaŭja.
Zhodna z zaćvierdžanym pratakołam, kresła śpikiera zaniaŭ prezident Asamblei deputat Dziarždumy Siarhiej Haŭryłaŭ. Apazicyja, aburyŭšysia hetym, sarvała mierapryjemstva i vyvieła ludziej na akcyju pratestu. Padčas biesparadkaŭ paciarpieli 240 čałaviek, bolš za 300 byli zatrymanyja.
Kamientary