Sud admoviŭ 75-hadovamu žycharu Navapołacka ŭ adterminoŭcy aryštu pavodle artykuła 23.34, niahledziačy na chvarobu
U pačatku lutaha 75-hadovaha navapałačanina Anatola Kulika asudzili na 10 dzion aryštu za firanki biełaha i čyrvonaha koleru i za bieł-čyrvona-bieły ściah, jaki jon nosić na plačach. 22 lutaha sud admoviŭ jamu ŭ adterminoŭcy pakarańnia, niahledziačy na prablemy sa zdaroŭjem, paviedamlaje na gorod214.by.
«Anatol u apošnija tydni prachodzić miedycynskaje abśledavańnie, i ŭ jaho padazrajuć pieradankałahičny stan pa straŭniku. Chutčej za ŭsio, sprava dojdzie da apieracyi», — raskazali siabry Anatola Kulika.
Jany paviedamili, što sudździa spytałasia, ci na balničnym Anatol Kulik. I kali pačuła, što nie, admoviła jamu ŭ adterminoŭcy aryštu. Zaraz Anatola Kulika mohuć adpravić za kraty ŭ luby momant.
Piensijanier taksama prasiŭ dać jamu rasterminoŭku na apłatu štrafu 675 rubloŭ. Sud admoviŭ. Ahułam Anatol Kulik musić zapłacić 2025 rubloŭ štrafaŭ.
Anatol Kulik byŭ deputatam Navapołackaha harsavieta ŭ kancy 1980-ch — pačatku 1990-ch hadoŭ. Jon źjaŭlaŭsia aktyŭnym udzielnikam ekałahičnaha ruchu ŭ horadzie, damahaŭsia, kab u kvaterach navapałačanaŭ była čystaja vada, a zavody kłapacilisia ab skaračeńni škodnych vykidaŭ.
Kamientary