Ale ŭstojlivaja praca była zabiaśpiečana, zajaviŭ premjer-ministr padčas pasiadžeńnia Saŭmina, piša BiełTA.
«Niahledziačy na biesprecedentny cisk jak źniešnich, tak i ŭnutranych faktaraŭ, u 2020 hodzie zabiaśpiečana ŭstojlivaja praca ekanomiki.
Kiraŭnikom dziaržavy byli padtrymany prapanovy ŭrada, i ŭ druhoj pałovie hoda akazvałasia sistemnaja padtrymka pradpryjemstvam realnaha siektara ekanomiki, biznesu i kankretnym rabotnikam kamiercyjnych i biudžetnych arhanizacyj. Ahulnaja suma takoj padtrymki skłała bolš za 2 młrd rubloŭ. va ŭmovach deficytu biudžetu, vykanańnia abaviazkaŭ pa dziarždoŭhu heta biesprecedentnaja padtrymka. U vyniku ŭdałosia zabiaśpiečyć bieśpierabojnuju pracu pradpryjemstvaŭ, całkam adnavić abjomy dabaŭlenaj vartaści ŭ apracoŭčaj pramysłovaści i, samaje hałoŭnaje, zachavać pracoŭnyja kalektyvy», — skazaŭ Raman Hałoŭčanka.
Jon dadaŭ, što ŭ minułym hodzie taksama zabiaśpiečana pavyšeńnie ŭzroŭniu dabrabytu nasielnictva.
«Na praciahu hoda ŭstojliva ros zarobak, u śniežni jon dasiahnuŭ amal 1500 rubloŭ, zabiaśpiečany apieradžalny rost dachodaŭ u biudžetnaj śfiery, u pieršuju čarhu ŭ daktaroŭ i nastaŭnikaŭ. Metavy aryjencir vykanany, suadnosiny zarobku biudžetnikaŭ ź siarednim pa krainie skłali 80,4%. Praktyčna całkam vyrašyli zadaču pa źnižeńni kolkaści arhanizacyj z zarobkam mienš za 500 rubloŭ. Za minuły hod ich kolkaść źniziłasia bolš čym u 18 razoŭ», — adznačyŭ premjer.
Jon raspavioŭ, što zachavana makraekanamičnaja zbałansavanaść, a stanoŭčaje salda źniešniaha handlu za 2020 hod skłała bolš jak $1,9 młrd, ci 3,2% da VUP.
«Za ŭsiu historyju suvierennaj Biełarusi heta maksimalny pakazčyk u absalutnym vyličeńni. Pryčym najbolšy jaho pryrost skłaŭsia ŭ II paŭhodździ, u tym liku za košt adnaŭleńnia abjomaŭ ekspartu tavaraŭ», — źviarnuŭ uvahu Raman Hałoŭčanka.
«Razam z tym adnoj z surjoznych prablem, jakuju my siońnia pavinny pradmietna abmierkavać, źjaŭlajecca vysokaja pazykovaja nahruzka na realny siektar ekanomiki.
Pa vynikach 2020 hoda sumarnaja zapazyčanaść arhanizacyj skłała amal 160 młrd i u paraŭnańni z pačatkam hoda vyrasła na 19%.
U metach likvidacyi tak zvanaha daŭhavoha naviesu ŭradam daviedzieny da vykanańnia paśladoŭny płan dziejańniaŭ», — reziumavaŭ premjer-ministr.
Kamientary