Probnuju partyju rasijskaj vakcyny «Sputnik V» vypuścili ŭ Biełarusi
Pieršyja validacyjnyja sieryi vakcyny «Sputnik V» zrabili ŭ Biełarusi, paviedamiŭ ministr achovy zdaroŭja Dźmitryj Pinievič.
Rasijski fond pramych inviestycyj (RFPI), AT «Hienieryum» i RUP «Biełmiedpreparaty», najbujniejšaje biełaruskaje farmaceŭtyčnaje pradpryjemstva, zapuskajuć vytvorčaść Rasijskaj vakcyny suprać karanavirusa «Sputnik V».
Na placoŭkach «Biełmiedpreparataŭ» pa rasijskaj technałohii raźlityja pieršyja validacyjnyja sieryi hetaj vakcyny. «Paśla atrymańnia vynikaŭ vyvučeńnia stabilnaści pieršych sieryj vakcyny «Sputnik V» budzie praviedziena napracoŭka pramysłovych sieryj preparata», — dadaŭ Dźmitryj Pinievič.
Akramia taho, RFPI i partniory viaduć pracu pa teściravańni technałohii poŭnaha cykła vypusku «Sputnik V» na vytvorčych mahutnaściach u Biełarusi. Vypusk vakcyny na placoŭkach pradpryjemstva «Biełmiedpreparaty» dazvolić całkam zabiaśpiečyć patrebnaść krainy ŭ vakcynie suprać karanavirusa.
Biełaruś stała pieršaj dziaržavaj paśla Rasii, jakaja aficyjna zarehistravała «Sputnik V».
Preparatam «Sputnik V» vakcynavany ŭžo bolš za 1,5 młn čałaviek. Vakcyna ŭchvalena ŭ Rasii, Biełarusi, Sierbii, Arhiencinie, Balivii, Ałžyry, Paleścinie, Vieniesuele, Parahvai, Turkmienistanie, Vienhryi, AAE, Iranie, Hviniei, Tunisie i Armienii.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary