«Ziamla kačeŭnikaŭ», «Borat-2» i multfilm «Duša»: chto staŭ pieramožcam «Załatoha hłobusa»
Premiju nazyvajuć druhoj pa prestyžnaści paśla «Oskara», jaki z-za pandemii budzie ŭručany tolki ŭ kancy krasavika.
Karcina «Ziamla kačeŭnikaŭ» atrymała «Załaty hłobus» u naminacyi «Najlepšy dramatyčny film hoda», a jaje stvaralnica kitajanka Chłoja Čžao ŭdastojena premii za najlepšuju režysiorskuju pracu. Pra heta było abvieščana na 78-j cyrymonii premii halivudskaj Asacyjacyi zamiežnaj presy, jakaja prajšła 28 lutaha ŭ farmacie videakanfierencyi, piša meduza.io.
Najlepšymi akciorami ŭ dramatyčnych filmach pryznanyja Andra Dej («Złučanyja Štaty suprać Bili Cholidej») i Čedvik Boŭzman paśmiarotna (»Ma Rejni: maci bluzu»).
Film «Borat-2» vyjhraŭ u naminacyi «Najlepšaja kamiedyja ci miuzikł». Saša Baron Koen atrymaŭ pryz za najlepšuju kamiedyjnuju rolu ŭ hetaj karcinie. Najlepšaja žanočaja rola ŭ kamiedyi abo miuzikle na rachunku Rozamund Pajk (film «Afierystka»).
Pryzy za najlepšyja roli druhoha płana atrymali Denieł Kałuja («Juda i čorny Miesija») i Džodzi Foster (»Maŭrytaniec»).
Uznaharody za najlepšy scenar udastojeny Aaron Sorkin («Sud nad čykahskaj siamiorkaj»).
Najlepšym animacyjnym filmam pryznanaja stužka «Duša», a najlepšym filmam na zamiežnaj movie — «Minary».
U naminacyi «Najlepšy dramatyčny sieryjał» pieramahła «Karona», najlepšym mini-sieryjałam staŭ «Chod karalevy», a najlepšym kamiedyjnym sieryjałam — «Šyts Kryk».
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary