Zatrymanym u lesie kala Salihorska dali vysokija štrafy i da 30 sutak aryštu
28 lutaha pad Salihorskam na špacyry zatrymali stačkamaŭcaŭ i aktyvistaŭ. Padčas zatrymańnia i ŭ RUUSie da ich užyvali fizičnuju siłu. U aŭtobusie, na jakim ludziej vieźli ŭ adździaleńnie, siłaviki ŭ formie AMAPa raspylili piarcovy haz. Na ŭsich zatrymanych skłali pratakoły pa č.3 art. 23.34 i art. 23.4 KaAP, paviedamlajuć pravaabaroncy.
U niadzielu ŭ lesie kala Salihorska zatrymali niekalki čałaviek. Čaćviora — u IČU da suda
Sudovyja pracesy nad zatrymanymi viali sudździ suda Salihorskaha rajona: Juryj Błocki, Valeryj Raboj i Alesia Sieradzienka.
U vyniku, Volha Hundar, Alena Bordzič i Natalla Kraŭčanka aštrafavanyja pa 1740 rubloŭ (60 bazavych). Nadzieja Asipian budzie vymušanaja vypłacić 1305 rubloŭ (45 bazavych).
Volha Kananovič pa dvum pratakołam była aštrafavanaja na 2320 rubloŭ (80 bazavych).
Andrej Mahiloviec i Anton Dziamkoŭ aryštavanyja na 15 sutak, a Mikita Kałodkin — na 30 sutak.
Paśla zatrymańnia Kanstancin Dzieciejeŭ dahetul znachodzicca ŭ balnicy.
«My vielmi hetaha chočam, my nastojvajem» — pres-sakratarka Łukašenki raskazała, ci pojdzie toj na nastupnyja vybary3
Kamientary