Hałoŭnym upraŭleńniem pa rasśledavańni złačynstvaŭ u śfiery arhanizavanaj złačynnaści i karupcyi Centralnaha aparata SK rasśledujecca kryminalnaja sprava, zaviedzienaja pa fakcie dziejnaści pazbaŭlenaha rehistracyi pravaabarončaha centra «Viasna».
![](http://nnexpictures.fra1.digitaloceanspaces.com/img/w732d4webp1/photos/z_2021_03/viasna-77l1g-60849.jpg.webp)
Kryminalnaja sprava zaviedzienaja pa art. 342 KK (arhanizacyja i aktyŭny ŭdzieł u hrupavych dziejańniach, jakija hruba parušajuć hramadski paradak).
U miežach spravy pravodziacca aktyŭnyja śledčyja dziejańni: prajšli pieratrusy ŭ ofisach rehijanalnych adździaleńniaŭ i ŭ kvaterach siabraŭ arhanizacyi, vykliki na dopyty i inšyja pracesualnyja dziejańni.
Na dumku orhanaŭ śledstva, «Viasna» nibyta ažyćciaŭlaje finansavańnie dy inšaje materyjalnaje zabieśpiačeńnie niezakonnych masavych mierapryjemstvaŭ.
Raniej pa padobnych abvinavačvańniach byli ŭziatyja pad vartu pravaabaroncy i vałanciory «Viasny» Marfa Rabkova, Andrej Čapiuk, Leanid Sudalenka i Taćciana Łasica.
Rada pravaabarončaha centra zaklikaje nieadkładna spynić kryminalny pieraśled u dačynieńni da «Viasny» i pieraśled siabraŭ našaj arhanizacyi, vyzvalić z-pad varty pieraličanych vyšej pravaabaroncaŭ i vałancioraŭ, ich kaleh z Ofisa pa pravach ludziej ź invalidnaściu Siarhieja Drazdoŭskaha i Aleha Hrableŭskaha, a taksama sotni inšych palityčnych źniavolenych, spynić praktyku aryštaŭ i sudovaha pieraśledu pravaabaroncaŭ u Biełarusi;
harantavać mahčymaść usim pravaabaroncam u Biełarusi ažyćciaŭlać svaju zakonnuju pravaabarončuju dziejnaść u lubych abstavinach biez abmiežavańniaŭ i biez strachu pomsty, u tym liku biez ryzyki sudovaha pieraśledu.
-
Što viadoma pra źniavolenych u Biełarusi hramadzian Ukrainy, jakija siońnia niečakana zdabyli volu?
-
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
-
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Kamientary