Niderłandski inžynier Łu Otens, jaki prydumaŭ aŭdyjakasietu, pamior va ŭzroście 94 hadoŭ, piša Meduza.
Pa słovach dački vynachodnika, jon pamior 6 sakavika ŭ svaim domie ŭ vioscy Dujzieł u pravincyi Paŭnočny Brabant na poŭdni Niderłandaŭ.
Otens naradziŭsia ŭ 1926 hodzie. U 1952-m, advučyŭšysia na inžyniera, jon pačaŭ pracavać u kampanii Philips, dzie paśla ŭznačaliŭ Departamient raspracoŭki novych praduktaŭ.
Pad jaho kiraŭnictvam byŭ raspracavany pieršy partatyŭny mahnitafon Philips madeli EL 3585.
U 1963 hodzie na Bierlinskaj vystavie elektroniki była pradstaŭlena pieršaja kampakt-kasieta z mahnitnaj stužkaj, raspracavanaja Otensam. Jana adrazu stała novym standartam dla zapisu i prajhravańnia muzyki. Z tych časoŭ pa ŭsim śviecie byli pradadzienyja bolš za 100 miljardaŭ aŭdyjokasiet.
U 1979 hodzie Otens taksama ŭdzielničaŭ u raspracoŭcy kampakt-dyska. Jon byŭ aficyjna pradstaŭleny ŭ 1982 hodzie, staŭšy novym standartam hukazapisu. Pa ŭsim śviecie pradadzienyja bolš za 200 miljardaŭ kampakt-dyskaŭ.
Kamientary