Prezident «Radyjo Svabodnaja Jeŭropa»/»Radyjo Svaboda» Džejmi Fłaj vystupiŭ z zajavaj nakont spravy błohiera Ihara Łosika, suprać jakoha vystavili novyja abvinavačvańni.
Paśla hetaha na vačach u śledčaha i advakata jon sprabavaŭ parezać sabie ruki i abviaściŭ u znak pratestu suchuju haładoŭku.
«My ŭsie ŭ «Radyjo Svabodnaja Jeŭropa»/»Radyjo Svaboda» hłyboka zasmučanyja novymi abvinavačańniami suprać Ihara i paharšeńniem jaho stanu zdaroŭja. Žurnalistyka nie źjaŭlajecca złačynstvam, i Ihar zanadta doŭha znachodzicca pad aryštam. Nielha takim čynam katavać Ihara i jaho siamju. Ja zaklikaju Alaksandra Łukašenku nieadkładna vyzvalić Ihara, kab jon moh uźjadnacca z žonkaj i dačkoj», — zajaviŭ Džejmi Fłaj.
Ihar Łosik znachodzicca za kratami ad 25 červienia. U listapadzie i śniežni jon užo haładaŭ 42 dni (h. zv. «mokraja haładoŭka»).
Kamientary