Pinievič paabiacaŭ, što z nastupnaha tydnia vakcynacyja ad karanavirusa stanie bolš intensiŭnaj
Pra heta paviedamiŭ žurnalistam ministr achovy zdaroŭja Dźmitryj Pinievič, piša BiełTA.
«Na nastupnym tydni (z 15 sakavika) my pačynajem vakcynacyju bolš intensiŭna — upieršyniu pačnuć pryščaplacca bolš za 90 tys. čałaviek.
Užo zaviaršyli vakcynacyju 20 tys. čałaviek, i 10 tys. budzie ŭ druhi etap. Heta značyć, u nas budzie 120 tys. vakcynavanych», — raspavioŭ ministr. Pavodle jaho słoŭ, u najbližejšy čas u Biełaruś pastupić 100 tysiač doz rasijskaj vakcyny.
«Kaniec sakavika — krasavik — heta toj pieryjad, kali vakcynacyja vyjdzie za miežy tych kantynhientaŭ, jakija my paznačali adrazu: rabotniki miedycynskija, sacyjalnyja, handlovyja, transpartnyja», — adznačyŭ Dźmitryj Pinievič.
Jon rastłumačyŭ, što akramia miedrabotnikaŭ u pieršuju čarhu buduć pryvivać supracoŭnikaŭ adukacyi i orhanaŭ sacyjalnaj abarony, asabliva tych, chto pracuje ŭ internatach dla pažyłych ludziej z kruhłasutačnym znachodžańniem. Hety ŭraźlivy kantynhient nieabchodna zaścierahčy ŭ pieršuju čarhu, pierakanany ministr.
«Z ulikam taho, što vakcyny (i rasijskaja, i inaktyvavanaja kitajskaja) majuć pakazańni «60 plus», budziem hladzieć (mahčymaść vakcynavać) i kantynhienty pažyłoha nasielnictva, našych babul i dziadul», — skazaŭ Dźmitryj Pinievič.
-
Što viadoma pra źniavolenych u Biełarusi hramadzian Ukrainy, jakija siońnia niečakana zdabyli volu?
-
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
-
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Kamientary