Pary, jakija zaklučajuć adnapołyja sajuzy, nie mohuć atrymlivać błasłavieńnie Katalickaj carkvy. Takoje rašeńnie apublikavała Kanhrehacyja daktryny viery ŭ Vatykanie, paviedamlaje meduza.io.
Rašeńnie, padpisanaje ŭ tym liku Papam Franciškam, źjaŭlałasia farmalnym adkazam na zapyty šerahu katalickich jeparchij. Jak adznačaje Reuters, u apošni čas mnohija śviatary ŭ niekatorych krainach faktyčna pačali praktykavać błasłaŭleńnie adnapołych sajuzaŭ.
U rašeńni Kanhrehacyi Daktryny viery padkreślivajecca, što navat stabilnyja partniorstvy, jakija majuć na ŭvazie seksualnuju aktyŭnaść pa-za šlubam, błasłaŭlacca nie pavinny. Šlub, u svaju čarhu, Kaścioł vyznačaje jak sajuz pamiž mužčynam i žančynaj.
U rašeńni adznačana, što rašeńnie ab niezakonnaści błasłavieńnia adnapołych sajuzaŭ źjaŭlajecca nie formaj dyskryminacyi, a tolki napaminam pra pryrodu sakramantu šlubu, jak jaho razumieje carkva.
U 2020 hodzie papa Francišak vykazaŭsia ŭ padtrymku lehalizacyi adnapołych sajuzaŭ u śvieckim hramadstvie. «Homaseksuały majuć prava na siamju. Jany dzieci Božyja. Nam patrebnyja zakony ab hramadzianskich sajuzach, kab takim čynam abaranić ich pravy», — zajaŭlaŭ Pantyfik.
Papa rymski Francišak staŭ pieršym pantyfikam, jaki padtrymaŭ adnapołyja sajuzy. Heta važnaja zajava — choć jana i nie mianiaje katalickuju daktrynu.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary