Kamisija pa ŭvodzie ŭ ekspłuatacyju akumulatarnaha zavoda pad Brestam zaviaršyła pracu. Pradpryjemstva atrymała poŭny pakiet dakumientaŭ, jakija paćviardžajuć adpaviednaść patrabavańniam ekałahičnaj biaśpieki i nadziejnaści. Pra heta paviedamiŭ «Akumulatarny Aljans», piša Tut.by.
Puska-naładačnyja pracy na zavodzie startavali ŭ pačatku kastryčnika minułaha hoda. Śpiecyjalisty praviali indyvidualnyja i kompleksnyja vyprabavańni technałahičnaha abstalavańnia i inžyniernych sietak.
«Vyniki vymiareńniaŭ pakazali adpaviednaść faktyčnych kancentracyj vykidaŭ, sa šmatrazovym zapasam, vyznačanych narmatyvam dapuščalnych vykidaŭ — asabliva pa śvincu i jaho złučeńniach, a taksama siernaj kisłacie», — paviedamili na pradpryjemstvie.
Akramia taho, rabotniki abłasnoha centra hihijeny i epidemijałohii praviali łabaratornyja vyprabavańni chimičnych faktaraŭ vytvorčaha asiarodździa na pracoŭnych miescach. Paćvierdžana poŭnaja adpaviednaść umoŭ dla piersanału.
Letam 2020-ha Alaksandr Łukašenka na sustrečy z praciŭnikami budaŭnictva akumulatarnaha zavoda paabiacaŭ, što los pradpryjemstva vyrašyć miascovy refierendum. Paśla hetaha prajšło niekalki sustreč aktyvistaŭ z uładami.
Apošni raz praciŭniki zavoda sustrakalisia 12 kastryčnika z namieśnikam staršyni Bresckaha abłvykankama Hienadziem Barysiukom. Jon padkreśliŭ, što ŭłada nie admaŭlajecca ad svaich abaviazacielstvaŭ pa praviadzieńni refierendumu.
Pravaabaronca Raman Kiślak paviedamiŭ, što ciapier aktyŭna idzie praca pa praviadzieńni miascovaha refierendumu ab losie zavoda.
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary