Namieśnik kiraŭnika praŭleńnia Nacbanka rychtujecca syści z pasady
Dźmitryj Kalečyc moža ŭ bližejšy čas pakinuć pasadu namieśnika staršyni praŭleńnia Nacyjanalnaha banka Biełarusi. Pra heta TUT.BY raspaviali try infarmavanyja krynicy ŭ bankaŭskim siektary.
«Kalečyc idzie namieśnikam staršyni ŭ Biełarusbank», — skazali dva surazmoŭcy. Varta nahadać, što niadaŭna paśla sychodu Alaksandra Jahorava ŭ Bank raźvićcia ŭ kiraŭnictvie najbujniejšaha dziaržbanka krainy ŭtvaryłasia vakantnaje miesca.
Zrešty, adzin z surazmoŭcaŭ skazaŭ, što kančatkovaja pastanova ab Kalečycy jašče nie zaćvierdžanaja. Sprava ŭ tym, što kadravyja rašeńni pa namieśnikach staršyni praŭleńnia Nacbanka rehłamientujucca ŭkazami. Ale adpaviednaha dakumienta jašče nie było. A historyja viedaje vypadki, kali ŭchvała ŭ Administracyi prezidenta nie była atrymanaja.
Dźmitryj Kalečyc naradziŭsia ŭ Minsku ŭ 1976 hodzie. U jaho dźvie vyšejšyja adukacyi: zakončyŭ Biełaruski dziaržaŭny ekanamičny ŭniviersitet, Minski dziaržaŭny linhvistyčny ŭniviersitet. Karjeru pačynaŭ u 1997 hodzie ŭ Nacbanku z pasady ekanamista. Načalnikam Hałoŭnaha ŭpraŭleńnia manietarnaj palityki i ekanamičnaha analizu i členam praŭleńnia Nacbanka staŭ u krasaviku 2013 hoda. Praz dva hady jaho pavysili da namieśnika staršyni.
U vypadku, kali dadzienaja kadravaja rakiroŭka adbudziecca, to ŭ kiravańni Nacbanka zastaniecca adzin čałaviek z proźviščam Kalečyc. Ciozka Dźmitryja, Siarhiej Kalečyc, niadaŭna staŭ pieršym namieśnikam staršyni.
-
Pajezdka ŭ aeraport — ad 90 da 150 rubloŭ. Biełaruski kankurent «Jandeks-taksi» ahučyŭ taryfy
-
Žonka biełarusa, jaki emihravaŭ u Ispaniju ź siamjoj i zastaŭsia tam adzin, raskazała, čamu ŭ Baranavičach lepš, čym u Barsiełonie
-
Biełaruskija turysty pryjechali na mora ŭ AAE, ale miascovyja plažy akazalisia ŭ mazucie
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary