12 abvinavačanych. SK zaviaršyŭ rasśledavańnie kryminalnaj spravy ab arhanizacyi «maršaŭ studentaŭ»
Pradstaŭniki ŭstanoŭ adukacyi źjaŭlalisia kaardynatarami na miescach, administravali tematyčnyja telehram-kanały, asabista zaklikali da ŭdziełu ŭ akcyjach pratestu, vyrablali i raspaŭsiudžvali ŭlotki z zaklikami, kiravali ŭdzielnikami, zajmalisia ich padrychtoŭkaj i materyjalnym zabieśpiačeńniem, paviedamlali ab pierasoŭvańniach supracoŭnikaŭ orhanaŭ unutranych spraŭ, havorycca ŭ paviedamleńni Śledčaha kamiteta.
Pavodle SK, pratesnyja akcyi zryvali adukacyjny praces i narmalnuju pracu VNU, pakolki moładź błakavała kalidory i leśvičnyja praloty, uskładniała prachod studentaŭ, vykładčykaŭ i naviedvalnikaŭ, stvarała šum (hučnyja kryki, śvist, skandavańnie łozunhaŭ, śpievy).
U kryminalnaj spravie 12 abvinavačanych: studenty, vykładčyk i člen Kaardynacyjnaj rady. U SK śćviardžajuć, što pytańni arhanizacyi pratesnych akcyj abmiarkoŭvalisia sa Śviatłanaj Cichanoŭskaj, u tym liku — pry dapamozie pastajannych videakanfierencyj.
Pa vynikach rasśledavańnia fihurantam vystaŭlenyja abvinavačvańni pa č. 2 art. 17 i č. 1 art. 342 (arhanizacyja dziejańniaŭ, jakija hruba parušajuć hramadski paradak, učynienych hrupaj asob) Kryminalnaha kodeksa Biełarusi.
Abvinavačanyja znachodziacca pad vartaj, kryminalnaja sprava pieradadziena prakuroru dla nakiravańnia ŭ sud.
-
Pajezdka ŭ aeraport — ad 90 da 150 rubloŭ. Biełaruski kankurent «Jandeks-taksi» ahučyŭ taryfy
-
Žonka biełarusa, jaki emihravaŭ u Ispaniju ź siamjoj i zastaŭsia tam adzin, raskazała, čamu ŭ Baranavičach lepš, čym u Barsiełonie
-
Biełaruskija turysty pryjechali na mora ŭ AAE, ale miascovyja plažy akazalisia ŭ mazucie
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary