Hienkonsulstva Biełarusi ŭ Biełastoku časova nie prymaje dakumienty. Pryčyna — dypłamatyčny skandał
U sacyjalnych sietkach druhi dzień «hulajuć» fatahrafii abviestki ŭ konsulstvie Biełarusi ŭ Biełastoku, dzie skazana, što dypviedamstva spyniła pracu pa vizavych pytańniach. Pryčyna — u dypłamatyčnym skandale, u vyniku jakoha MZS Polščy piać dzion tamu vysłała dvuch biełaruskich konsułaŭ, piša Tut.by.
U Polščy Biełaruś pradstaŭlena tryma dypviedamstvami: u Varšavie pracuje pasolstva, a ŭ Biełastoku i Biała-Padlascy — konsulstvy.
U MZS Biełarusi Tut.by rastłumačyli, što pakul praca konsulstva ŭ Biełastoku sapraŭdy prypynienaja.
— U ciapierašni čas, z pryčyny ŭźnikłych abstavinaŭ, na niekalki dzion prypynieny pryjom dakumientaŭ u Hienieralnym konsulstvie Biełarusi ŭ Biełastoku. Biełaruski bok prykładaje ŭsie namahańni pa bolš chutkim adnaŭleńni narmalnaj pracazdolnaści konsulskaj ustanovy pa abaronie zakonnych pravoŭ i intaresaŭ biełaruskich hramadzian. Raźličvajem, što ŭ najbližejšyja dni funkcyjanavańnie budzie adnoŭlena ŭ nieabchodnym abjomie, — raspavioŭ pres-sakratar MZS Anatol Hłaz.
U MZS dadali, što časova niejkija terminovyja biahučyja pytańni biełaruskim hramadzianam, jakija znachodziacca na pastajannym konsulskim uliku ŭ Hienieralnym konsulstvie Biełarusi ŭ Biełastoku, možna ŭdakładnić pa telefonie +48 85 664 99 40.
Pasolstva ŭ Varšavie i konsulstva ŭ Biała-Padlascy pracujuć u štatnym režymie.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu4
Kamientary