Chłopcaŭ, što apahanili kaścioł u Novałukomli, złavili. Jany jašče razmalavali pomnik Hieroju Savieckaha Sajuza
![](http://nnexpictures.fra1.digitaloceanspaces.com/img/w732d4webp1/photos/z_2021_03/c210318-3r7oe.jpg.webp)
catholicnews.by
Nahadajem, što ŭ noč na 18 sakavika dvoje chłopcaŭ zaleźli ŭ kaścioł u Novałukomli i pakinuli na ścienach abraźlivyja nadpisy.
Śviatar zaśpieŭ parušalnikaŭ na miescy złačynstva, adnak tyja zmahli źbiehčy. Śviatar źviarnuŭsia ŭ Čašnicki RUUS, paviedamlaje pres-słužba MUS.
Paźniej vyśvietliłasia, što vandały razmalavali ścieny padjezda i šmatkvaternych damoŭ, a taksama haradski pomnik Hieroju Savieckaha Sajuza Fiodaru Aźmicielu.
Milicyja chutka znajšła ich: heta byŭ 20-hadovy miascovy žychar i jaho pryjaciel ź Minska. Padčas zastolla haspadar kvatery ŭspomniŭ ab nabytych u Rasii bałončykach z farbaj i prapanavaŭ uziać ich na načnuju prahułku.
Kamientary