Na dopyt u Śledčy kamitet 19 sakavika vyklikany jašče adzin siabra pazbaŭlenaha rehistracyi pravaabarončaha centra «Viasna» Andrej Pałuda, paviedamlaje spring96.org.
Dopyty pravodziacca ŭ miežach kryminalnaj spravy, zaviedzienaj pavodle častki 2 artykuła 342 Kryminalnaha kodeksa — navučańnie abo inšaja padrychtoŭka asob dla ŭdziełu ŭ hrupavych dziejańniach, jakija hruba parušajuć hramadski paradak.
Andrej Pałuda, jaki pracuje ŭ «Viaśnie» z 2007 hoda, najpierš viadomy jak kaardynatar kampanii «Pravaabaroncy suprać śmiarotnaha pakarańnia ŭ Biełarusi», pryznany ekśpiert u hetym kirunku jak na nacyjanalnym, tak i na mižnarodnym uzroŭni. Jon taksama spryčyniŭsia da adukacyjnych prahram škoł pa pravach čałavieka roznych uzroŭniaŭ.
Amal na praciahu cełaha tydnia pravaabaroncaŭ i vałancioraŭ z roznych haradoŭ Biełarusi śledčyja vyklikajuć na dopyty. Viadomy dziasiatak takich vypadkaŭ. Vyklik Andreja Pałudy, vidać, daloka nie apošni ŭ łancuhu masavaha pieraśledu pravaabaroncaŭ.
Čym siońnia zajmajucca niekali viadomyja hieroi ŽŽ? Spojler: mnohija tak i nie zakinuli błohierstva4
Kamientary