U Danii aficyjna pačali vykarystoŭvać nazvu Belarus zamiest Hviderusland «na znak pavahi da biełaruskaha naroda i jaho mirnaha pratestu»
MZS pryniało takoje rašeńnie na znak pavahi da biełaruskaha narodu i jahonaha mirnaha pratestu.
Ministerstva zamiežnych spraŭ Danii z 18 sakavika pierastała vykarystoŭvać nazvu Hviderusland («Biełaja Rasija») ŭ aficyjnaj praktycy, paviedamiła Radyjo Svaboda sa spasyłkaj na vydańnie dr.dk.
MZS pryniało takoje rašeńnie na znak pavahi da biełaruskaha narodu i jahonaha mirnaha pratestu, skazaŭ ministar zamiežnych spraŭ Jeppe Kofod.
Pradstaŭnica asacyjacyi «Siabry Biełarusi ŭ Danii» Anastasija Rasmusen vykazała spadziavańnie, što z časam nazvu Belarus datčanie pačnuć vykarystoŭvać i ŭ nieaficyjnym užytku.
U toj ža dzień, 18 sakavika, Danija abjaviła pra stvareńnie fondu dla padtrymki demakratyi ŭ Biełarusi, Ukrainie, Hruzii, Małdovie, Armenii i Azerbajdžanie. U im 50 miljonaŭ kron — heta kala 8 miljonaŭ dalaraŭ u pieraliku.
Kamientary