Švied: Zakanadaŭstva Biełarusi ab procidziejańni ekstremizmu — miakkaje i łajalnaje
Pra heta zajaviŭ siońnia žurnalistam hienieralny prakuror Andrej Švied, piša BiełTA.
Pry padrychtoŭcy źmianieńniaŭ u zakanadaŭstva ŭličvaŭsia vopyt usich krain. «U pieršuju čarhu Rasijskaj Fiederacyi, Zachodniaj Jeŭropy. U nas vielmi miakkaje, łajalnaje zakanadaŭstva. Ciapier my toje-sioje ŭdakładnili, dzieści ŭzmacnili adkaznaść, niešta libieralizavali. Treba hladzieć u kompleksie na hetyja pytańni. Ale ŭ cełym chaču skazać, što navat u vypadku pryniaćcia hetaha zakonaprajekta ŭ toj redakcyi, jakaja ŭčora abmiarkoŭvałasia, naša zakanadaŭstva nie budzie takim žorstkim, jak, naprykład, u Zachodniaj Jeŭropie, u tym liku ŭ pytańniach baraćby z ekstremizmam», — skazaŭ Andrej Švied.
Pavodle jaho słoŭ, da hetaha pytańnia ŭzvažana padychodzim, zychodziačy z realij. «Heta tyčycca sankcyj, adkaznaści, štrafaŭ i terminaŭ pakarańnia. U šerahu zachodniejeŭrapiejskich krain, jakija vystupajuć, što ŭ ich usio narmalna, a ŭ nas drenna, na samaj spravie ŭsio z dakładnaściu naadvarot, kali abjektyŭna razabracca, — adznačyŭ hienprakuror. — Terminy pazbaŭleńnia voli za tyja dziejańni, za jakija ŭ nas da niadaŭniaha času i ciapier praduhledžany, naprykład, štraf abo pazbaŭleńnie voli na niekalki hadoŭ, u ich — 10-15 hadoŭ pazbaŭleńnia voli za takija ž dziejańni, jakija ździajśniajuć ich hramadzianie. Prytym jany hetuju adkaznaść uviali jašče hadoŭ 5-7 tamu ŭ šerahu krain».
Kamientary