Makiej pieraściaroh Dziarždep ad žadańnia ŭpłyvać na pracu pravaachoŭnaj i sudovaj sistemy Biełarusi
MZS Biełarusi ahučyła svaju viersiju razmovy Uładzimira Makieja z daradcam Dziarždepartamienta ZŠA Derekam Šole, jakaja adbyłasia ź inicyjatyvy amierykanskaha boku, piša Tut.by.
Baki ŭ prahmatyčnym klučy abmierkavali aktualnyja pytańni dvuchbakovaha paradku dnia, u tym liku tematyku abmienu pasłami. Makiej prainfarmavaŭ surazmoŭcu ab chodzie pracesu padboru kandydatury na pasadu pasła Biełarusi ŭ ZŠA. Šale ŭ svaju čarhu paćvierdziŭ hatoŭnaść pryznačanaha ambasadara ZŠA prybyć u našu krainu.
Baki pahadzilisia ź nieabchodnaściu raźvićcia dyjałohu, pry hetym kanstatavali najaŭnaść istotnych roznahałośsiaŭ u dvuchbakovych adnosinach.
— U suviazi z vykazanymi Derekam Šole šeraham zakłapočanaściaŭ, Uładzimir Makiej zaklikaŭ amierykanski bok abjektyŭna padychodzić da acenki situacyi ŭ Biełarusi, akcentavaŭ uvahu na kontrpraduktyŭnaści sprob akazańnia cisku na suvierennuju dziaržavu. U dadzienym kantekście ministr źviarnuŭ uvahu na toj fakt, što šerah zajaŭ amierykanskaha boku zrobleny jak pad kapirku. Makiej taksama pieraściaroh surazmoŭcu ad žadańnia ŭździejničać na pracu pravaachoŭnaj albo sudovaj sistemy Biełarusi, — paviedamili Tut.by ŭ pres-słužbie MZS Biełarusi.
Surazmoŭcy syšlisia ŭ mierkavańni, što ŭ apošnija hady mienavita ŭ ramkach uzajemapavažlivaha dyjałohu Biełarusi i ZŠA ŭdałosia dasiahnuć značnaha prahresu ŭ dvuchbakovych adnosinach.
Nahadajem, Dziarždep ZŠA paviedamiŭ, što ŭ razmovie z Makiejem daradca Šole, akramia temy ambasadaraŭ, jasna daŭ zrazumieć, što nieabchodna nieadkładna vyzvalić usich biez vyklučeńnia palitviaźniaŭ u Biełarusi, asabliva adznačyŭšy nieadkładnaść spravy kansultanta «Radyjo Svaboda» Ihara Łosika.
Kamientary