Viktar Babaryka zrabiŭ zajavu sudu, zajaviŭšy, što jamu nie dajuć realizavać svajo prava na abaronu. U aŭtorak jamu nie dali vystupić z zajavaj, choć takaja mahčymaść praduhledžanaja na luboj stadyi pracesu, piša Tut.by.
![](http://nashaniva.com/img/w732d4webp1/photos/z_2021_03/sud_babariko_20210217_z_phsl_tutby-9599-3cd9w.jpg.webp)
— Vy nie dajacie mnie vykazać svajo mierkavańnie pa sutnaści svajho pracesu. Vy parušajecie majo prava, u hetaj situacyi sud nie moža ličycca niepraduziatym.
Abarona Babaryki padtrymała advod.
— U siońniašnim pasiadžeńni my nazirajem situacyju, kali abvinavačany Babaryka pazbaŭleny mahčymaści realizavać svajo prava na zvarot da suda ź piśmovaj zajavaj. Abaroncy da inšych pracesualnych dziejańniaŭ, dopytu, pazbaŭlenyja mahčymaści zajavić chadajnictva ab ździajśnieńni pracesualnych dziejańniaŭ.
Jašče ŭčora abarona zajaŭlała, što Babaryku śpiecyjalna nie dajuć mahčymaści dać pakazańni pieršamu. Heta dazvoliła vykazać sumnievy ŭ biesstaronnaści suda.
Dziaržabvinavaŭca chadajnictva nie padtrymaŭ. Inšyja abvinavačanyja pakinuli rašeńnie na mierkavańnie suda.
Sud pajšoŭ u daradčy pakoj. U vyniku zajava adchilena.
Pry vyznačeńni paradku daśledavańnia dokazaŭ abvinavačańnie prapanavała nastupny paradak: dapytać abvinavačanych, siarod jakich u apošniuju čarhu — Babaryku, potym śviedak, potym daśledavać piśmovyja materyjały spravy. Abaroncy Babaryki i jon sam prapanavali pačać dopyt abvinavačanych z dopytu Babaryki, pakolki jon abvinavačvajecca ŭ stvareńni arhanizavanaj złačynnaj hrupy, raniej pakazańni nie davaŭ, ciapier u sudzie žadaje dać pakazańni. Praktyčna ŭsie z advakataŭ inšych abvinavačanych padtrymali toj paradak, jaki byŭ prapanavany abaronaj Babaryki.
Kamientary