Minharvykankam adchiliŭ zajaŭku arhanizataraŭ praviadzieńnia Dnia voli, raspavioŭ Tut.by lidar ruchu «Za svabodu « Juraś Hubarevič.
![](http://nnexpictures.fra1.digitaloceanspaces.com/img/w732d4webp1/photos/z_2019_03/dsc_3363-thgkb.jpg.webp)
U adkazie Minharvykankama pakazana niekalki pryčyn dla admovy. Naprykład, skazana, što abrany arhanizatarami maršrut nie adpaviadaje patrabavańniam zakona. Choć maršrut raniej užo vykarystoŭvaŭsia na Dzień Voli: šeście ad pierasiačeńnia praśpiekta Niezaležnaści z vulicaj Janki Kupały da płoščy Paryžskaj kamuny, 1, mitynh na placoŭcy pierad Opiernym teatram.
Akramia taho, haradskija ŭłady spasyłajucca na toje, što ŭ arhanizataraŭ jość damova tolki z «chutkaj», ale niama damovy ź milicyjaj i kamunalnikami. Biez hetych dahavoraŭ horad nie moža ŭzhadnić mierapryjemstva. Damova z «chutkaj» u arhanizataraŭ była jašče ŭ pačatku sakavika.
Napiaredadni stała viadoma, što milicyja admoviłasia zaklučać damovu z arhanizatarami na achovu hramadskaha paradku padčas mierapryjemstva. Pryčynami admovy ŭ adkazie za podpisam načalnika HUUS stalicy Michaiła Hryba paznačany karanavirus, maršrut, jaki vybrali arhanizatary šeścia, i najaŭnyja ŭ roznych tielehram-kanałach zakliki da praviadzieńnia niesankcyjanavanych akcyj, u tym liku ekstremisckaha charaktaru.
U Minharvykankamie taksama miarkujuć, što arhanizatary parušyli zakon, abviaściŭšy ŭ ŚMI maršrut i datu mierapryjemstva da atrymańnia adkazu ad vykankama.
![](http://nashaniva.com/img/w732d4webp1/photos/z_2021_03/otkaz_orod_den_voli_2021-6r8lq.jpg.webp)
![](http://nashaniva.com/img/w732d4webp1/photos/z_2021_03/otkaz_gorod_den_voli_2021_-_2-a6p94.jpg.webp)
— Adkaz Minharvykankama nie vyznačajecca aryhinalnaściu. Dziejničajučy, vidavočna ŭzhodniena z haradskim Upraŭleńniem milicyi, jany mahli b spynicca na adnym punkcie i admović arhanizataram mierapryjemstva z-za adsutnaści damovaŭ ź milicyjaj i kamunalnikami. Adnak jany vyrašyli znajści jašče kuču paćvierdžańniaŭ svajmu rašeńniu, u pryvatnaści, spasłaŭšysia na situacyju z karanavirusam. Tut možna padkreślić, što dla praviadzieńnia dziaržaŭnych mierapryjemstvaŭ, i navat u zakrytych pamiaškańniach, heta nie źjaŭlajecca prablemaj. Spasyłka [u adkazie vykankama] na nieadnarazovaje nibyta parušeńnie zajaŭnikami zakona «Ab masavych mierapryjemstvach», jaki zabaraniaje publikacyju, razhałašeńnie daty, miesca i času mierapryjemstva da atrymańnia dazvołu, vyhladaje absurdna, bo heta była naša pryncypovaja pazicyja — nie vydavać i nie ahučvać takija źviestki. Naŭrad ci Curan zmoža znajści choć adnu publikacyju, dzie hetyja danyja jość. Nu, napeŭna, akramia słoŭ kiraŭnika KDB Cierciela, dzie takija źviestki ahučvalisia. Tamu hety adkaz vykankama vyhladaje jak biazdumnaje kapiravańnie inšych adkazaŭ z admovami, navat biez vyčytvańnia źmiestu, — skazaŭ Juraś Hubarevič.
Kamientary