Ministr Pinievič: Ciapier situacyja spakojnaja, ale čakajem novaj chvali karanavirusa
Treciuju chvalu karanavirusnaj infiekcyi miedyki Biełarusi čakajuć hetaj viasnoj, zajaviŭ žurnalistam ministr achovy zdaroŭja Dźmitryj Pinievič pierad raźmierkavańniem vypusknikoŭ u Viciebskim dziaržaŭnym miedycynskim univiersitecie, piša BiełTA.
Pavodle słoŭ ministra, śpiecyjalisty hatovyja da čarhovaj chvali, tut važnym zastajecca pytańnie, nakolki jana budzie intensiŭnaja.
«Napeŭna, my nie atrymajem nakładki dźviuch chval — karanavirusnaj i siezonnych hrypoznych zachvorvańniaŭ, charakternych dla našaj krainy ŭ hety čas hoda. Ź inšaha boku, čakajem rost zachvorvańniaŭ na COVID-19, tamu nie źnižajem miery masačnaha režymu, sacyjalnaha dystancyjavańnia i trymajem u hatoŭnaści sistemu achovy zdaroŭja da novych vyklikaŭ», — adznačyŭ Dźmitryj Pinievič.
«Ciapier situacyja spakojnaja. My prykładna na 40% ad pika vosieńskaj chvali», — dadaŭ kiraŭnik viedamstva.
U ciapierašni čas čarhovaja partyja vakcyny pastupiła ŭ rehijony. Pačynajučy z krasavika vakcynacyja budzie nasić masavy charaktar. Taksama ŭ najbližejšy čas płanujecca vypusk rasijskaj vakcyny na mahutnaściach našych ustanoŭ, dadaŭ jon.
Kamientary