Imam miačeci Ajia-Safii ŭ Stambule Miechmiet Bajnukałyn vystupiŭ za źnižeńnie pracentnaj staŭki i poŭnuju jaje admienu. Takuju zajavu jon zrabiŭ na fonie rezkaha padzieńnia kursu tureckaj liry, spravakavanaha niečakanaj źmienaj prezidentam Turcyi kiraŭnika Centrabanka krainy. Prapanovu imam patłumačyŭ patrabavańniami isłamu, jaki zabaraniaje davać hrošy ŭ rost, piša RBK.
Açıklama: Faizin azaltılması ve sonunda tamamen kaldırılması hem İslam'ın hem de aklın gereğidir. Güçlü ekonomilerde faiz % 0-1 arasında. O sebeple faizcilerle mücadele etmek de İslam'ın bir emridir. Önceki tivitim biraz da bununla ilgilidir.
«Źnižeńnie pracentnaj staŭki i, narešcie, jaje poŭnaja admiena — patrabavańnie jak isłamu, tak i rozumu — napisaŭ jon u svaim Twitter. — U krainach z mocnaj ekanomikaj pracentnyja staŭki składajuć ad 0 da 1%»
Tureckaja lira ŭpała paśla niečakanaj adstaŭki kiraŭnika centralnaha banka krainy ŭ piatnicu, 20 sakavika. U paniadziełak, 22 sakavika, padzieńnie kursu liry da dalara pieravyšała 15%. Padčas tarhoŭ tureckaja valuta tańnieła da 8,485 za dalar. U piatnicu, 19 sakavika, kurs znachodziŭsia na ŭzroŭni 7,2185. Da kanca paniadziełka valuta adyhrała častku strat u adnosinach da dalara i zakryłasia źnižeńniem na 7,5%.
Prezident Turcyi Redžep Taip Erdahan zvolniŭ kiraŭnika CB Nadžy Ahbała praz dva dni paśla taho, jak rehulatar pavysiŭ klučavuju staŭku z 17 da 19%. U Centrabanku Turcyi zajavili, što žorstkaja hrašova-kredytnaja palityka budzie zachoŭvacca da taho času, pakul inflacyju, jakaja dasiahnuła ŭ krainie 15,6%, nie atrymajecca ŭziać pad kantrol. Prezident Turcyi nieadnarazova vystupaŭ suprać pavyšeńnia stavak.
Kamientary