Alaksandr Łukašenka siońnia padčas naviedvańnia Hatava prakamientavaŭ mahčymaje dadatkovaje pavyšeńnie piensijnaha ŭzrostu. Jon zajaviŭ, što novych rašeńniaŭ pa piensijnym uzrostu nie płanujecca. «Usie rašeńni pryniaty. U hetym napramku budziem dziejničać», — padkreśliŭ Łukašenka, paviedamlaje jaho pres-słužba.
Jon adznačyŭ, što možna było b zrabić piensijny ŭzrost i, naprykład, z 50 hadoŭ. «Ale tolki vy nie zabyvajcie, što paśla 50 hadoŭ nas z vami buduć utrymlivać našy dzieci».
«Vy mianie zrazumiejcie. Ja z prostych ludziej, prostaj siamji. U mianie maci była dajarkaj, i ja viedaju, što takoje hetaje žyćcio. I sam 10 hadoŭ karoŭ daiŭ. Ale my nie pavinny svaje prablemy pierakładać na dziaciej. Chto jaho viedaje, jak składziecca žyćcio našych dziaciej. Voś u čym prablema, a nie tamu, što my chočam z vas tam sarvać niejkija hrošy», — padkreśliŭ jon.
***
Ciapierašniaja piensijnaja reforma zavieršycca ŭ nastupnym hodzie: z 1 studzienia 2022 hoda mužčyny buduć vychodzić na piensiju ŭ 63 hady, a žančyny — u 58 hadoŭ (u hetym hodzie piensijny ŭzrost składaje 62 hady i 6 miesiacaŭ i 57 hadoŭ i 6 miesiacaŭ adpaviedna).
KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy5
Kamientary