«Kommiersant'» zaznačaje, što ŭ Kramli nie źbirajucca iści na kampramisy ź biełaruskim kiraŭnictvam, a rychtujucca da žorstkaha supraćstajańnia.
Pra heta piša siońnia hazieta «Kommiersant'», analizujučy bajkot Alaksandram Łukašenkam samit ADKB u Maskvie i pryznańnie nielehitymnymi pryniatyja na im rašeńni pra Kalektyŭnyja siły apierytaŭnaha reahavańnia šaściu krainami liderami krain ADKB.
«Kommiersant'» zaznačaje, što ŭ Kramli nie źbirajucca iści na kampramisy ź biełaruskim kiraŭnictvam, a rychtujucca da žorstkaha supraćstajańnia.
Užo ŭ najbližejšy čas Maskva moža pačać novuju ataku na Minsk, hetym razam hazavuju. Jašče ŭ kancy traŭnia daradca pasolstva Rasii ŭ Biełarusi pa ekanamičnych pytańniach Andrej Kuźniacoŭ zajaviŭ, što Biełaruś płacić za haz nie ŭ poŭnym abjomie. «Cana na haz u pieršym kvartale pavinna była składać $210 za tysiaču kubamietraŭ, adnak apłata idzie ŭ miežach $150»,— zajaviŭ dypłamat. U śniežni 2008 hodu pytańnie pra canu na haz abmiarkoŭvałasia Dźmitryjem Miadźviedzievym i Alaksandram Łukašenkam, jany damovilisia, što cana budzie raźlivacca pa nastupnaj formule: siaredniejeŭrapiejskaja cana z panižajučym kaeficyjentam 0,8 za vyniatkam transpartnych vydatkaŭ i ekspartnaj pošliny.
Adnak hetaja damoŭlenaść zastajecca vusnaj. Hetaja akaličnaść Rasija moža vykarystać jak instrumient dadatkovaha cisku na Minsk, patrabujučy vykanać umovy kantraktu 2006 hodu i apłačvać pastaŭki hazu pakvartalna.Jak paviedamiła ŭčora krynica ŭ «Hazpromie», u manapolii ŭžo jość «finansavyja pretenzii da biełaruskaha boku ŭ ramkach dziejučaha kantrakta».
Kamientary