Narviehija, Čarnahoryja i jašče 4 krainy dałučylisia da sankcyj ES suprać łukašenkaŭcaŭ
Šeść dziaržaŭ — partnioraŭ Jeŭrasajuza paviedamili ab dałučeńni da rašeńnia Rady ES praciahnuć na hod sankcyi suprać Biełarusi, piša TASS sa spasyłkaj na zajavu zamiežnapalityčnaj słužby ES.
Krainy-kandydaty na ŭstupleńnie ŭ ES — Paŭnočnaja Makiedonija, Čarnahoryja i Ałbanija, a taksama dziaržavy jeŭrapiejskaj zony svabodnaha handlu — Isłandyja, Lichtenštejn i Narviehija — dałučylisia da rašeńnia Rady ES ab praciahu sankcyj. Jany zabiaśpiečać adpaviednaść svajoj nacyjanalnaj palityki hetamu rašeńniu Rady, havorycca ŭ dakumiencie.
Raniej u lutym Jeŭrasajuz praciahnuŭ na 12 miesiacaŭ — da 28 lutaha 2022 hoda — sankcyi ŭ dačynieńni da 88 pradstaŭnikoŭ kiraŭnictva i biznesu Biełarusi, uklučajučy Alaksandra Łukašenku, i 7 kampanij.
U ciapierašni čas ES uvioŭ try błoki sankcyj — u kastryčniku, listapadzie i śniežni 2020 hoda, ahułam u čorny śpis uklučany 88 fizičnych asob i 7 kampanij. Fizičnym asobam zabaronieny ŭjezd na terytoryju ES i dostup da bankaŭskaj sistemy Jeŭrasajuza, jeŭrapiejskamu biznesu zabaroniena luboje supracoŭnictva z uklučanymi ŭ śpis jurydyčnymi asobami, za vyklučeńniem vykanańnia raniej padpisanych kantraktaŭ.
22 lutaha na pasiadžeńni Rady ES na ŭzroŭni kiraŭnikoŭ MZS u Bruseli było pryniata rašeńnie raspracavać čaćviorty sankcyjny pakiet, a taksama aktyvizavać padtrymku niezaležnaha hramadstva ŭ Biełarusi.
-
Čynoŭnikam Jeŭrasajuza, jakija adpraŭlajucca ŭ ZŠA, vydajuć adnarazovyja telefony praz bojaź špijanažu
-
«Zrabili absalutna žachlivuju pracu». Tramp znoŭ abvinavaciŭ u pačatku vajny va Ukrainie Zialenskaha i Bajdena
-
Jeŭrapiejskija kampanii z-za palityki Trampa mohuć viarnucca da supracoŭnictva z «Hazpramam»
Kamientary