Advakata Babaryki i Znaka chočuć pazbavić licenzii za post u fejsbuku
U dačynieńni da Dźmitryja Łajeŭskaha raspačali dyscyplinarnuju vytvorčaść.
Advakata Dźmitryja Łajeŭskaha vyklikali 23 sakavika na radu kalehii advakataŭ, paviedamlaje Tut.by sa spasyłkaj na tielehram-kanał Viktara Babaryki. U dačynieńni da jaho raspačali dyscyplinarnaje vytvorčaść.
Padstavaj staŭ post u Facebook Dźmitryja Łajeŭskaha, u jakim jon nie pahadziŭsia z prajektam źmianieńniaŭ u zakanadaŭstva ab advakatury.
Kali dyscyplinarnaja kamisija prymie rašeńnie vyklučyć Dźmitryja Łajeŭskaha z kalehii advakataŭ, jon pazbavicca svajoj licenzii.
Nahadajem, niadaŭna stała viadoma, što ŭ Biełarusi rychtujecca zakonaprajekt «Ab źmienie zakonaŭ pa pytańniach advakackaj dziejnaści», jakim prapanujecca zabaranić advakatam, što pracujuć indyvidualna, i advakackim biuro abaraniać ludziej, jakija prachodziać pa kryminalnych i administracyjnych artykułach. Mienavita jaho raskrytykavaŭ advakat.
Dźmitryj Łajeŭski abaraniaje intaresy Viktara Babaryki i Maksima Znaka.
Kamientary