Pra heta na pres-kanfierencyi ŭ Minsku zajaviŭ pasoł Abjadnanaha Karaleŭstva Vialikabrytanii i Paŭnočnaj Irłandyi ŭ Biełarusi Najdžeł Hułd-Devis.
Vialikabrytanija padtrymaje Biełaruś na šlachu intehracyi ŭ Jeŭrasajuz u jakaści ŭdzielnika prahramy «Ŭschodniaje partniorstva».
Pra heta na pres-kanfierencyi ŭ Minsku zajaviŭ pasoł Abjadnanaha Karaleŭstva Vialikabrytanii i Paŭnočnaj Irłandyi ŭ Biełarusi Najdžeł Hułd-Devis.
Najdžeł Hułd-Devis zhadaŭ «značnaje palapšeńnie stasunkaŭ Biełarusi ź ES, jakoje stała mahčymym dziakujučy ŭdziełu Biełarusi va «Ŭschodnim partniorstvie».
«My bačym novuju dynamiku i majem namier padtrymać Biełaruś, kab hetyja pracesy stali niezvarotnymi», — skazaŭ pasoł.
Ad 1 studzienia 2010 h. brytanskaja ambasada budzie pradstaŭlać ES u Biełarusi ad imia Ispanii.
Pasoł nazvaŭ važnym praryvam u stasunkach Biełarusi i ES šerah demakratyčnych palapšeńniaŭ u halinie pravoŭ i svabodaŭ u Biełarusi. Najpierš jon adznačyŭ vyzvaleńnie apošnich palitviaźniaŭ, rehistracyju niaŭradavych arhanizacyj, vyrašeńnie pytańniaŭ z raspaŭsiudam dźviuch apazicyjnych hazietaŭ [«Našaj Nivy» i «Narodnaj voli»]
«My spadziajemsia, što hetyja kroki buduć paśladoŭnymi», — skazaŭ pasoł.
Taksama jon adznačyŭ, što Vialikabrytanija hatovaja da raźvićcia handlovych stasunkaŭ ź Biełaruśsiu.
«Umacavańnie stasunkaŭ Biełarusi i ES dazvolić Biełarusi supracoŭničać z MVF. My ličym vielmi važnym abjadnacca na fonie hłabalnaha kryzisu», — skazaŭ pasoł.
Taksama padčas pres-kanfierencyi Najdžeł Hułd-Devis zajaviŭ, što ambasada razhledzić pytańnie pra vizavuju padtrymku biełaruskich futbolnych zaŭziataraŭ, jakija pajeduć na matč Biełaruś — Anhlija ŭ kastryčniku 2009 hodu. Jon vykazaŭ pažadańnie, kab jak maha bolš biełaruskich zaŭziataraŭ zmahli naviedać Vialikabrytaniju.
Kamientary