Dzie ŭ paŭdniovaj častcy Minska znachodziacca cysterny z vadoj. Śpis adrasoŭ
Telehram-kanał «Minsk. Aficyjna» paviedamlaje, što na miescy paškodžańnia trubapravoda Čyžoŭcy, jakoje vyklikała kamunalny kałaps, praciahvajucca avaryjnyja raboty. Pryčyny avaryi vyśviatlajucca.
Vodazabieśpiačeńnie ŭ žycharoŭ Kastryčnickaha, Leninskaha i Zavodskaha rajonaŭ adnoŭlena, adnak jakaść vady mahła pahoršycca. U paciarpiełyja rajony adpraŭlenyja aŭtacysterny ź pitnoj vadoj.
Znajści vadavoz možna pa nastupnych adrasach:
— Prušynskich, 10,
— Prušynskich, 72,
— Drazdoviča, 2,
— Plachanava, 40,
— Rakasoŭskaha, 67,
— Ubareviča,73 (kala 10-j balnicy).
U Kastryčnickim rajonie cysterny znachodziacca pa nastupnym adrasach.
— Balnica chutkaj miedycynskaj dapamohi, vuł. Kižavatava, 60,
— 3-ja Dziciačaja balnica, vuł. Kižavatava, 60/1,
— 11-ja balnica, vuł. Karžanieŭskaha, 4 (kala čyhunki na Brest),
— Škoła-internat na Čarnihaŭskaj, 46,
— Asanalijeva, 9,
— Łandara, 76.
️U pieršuju čarhu vadoj zabiaśpiečyli balnicy, sacyjalnyja ŭstanovy, dziciačyja sady i škoły. Aŭtacysterny abjechali ich da ranicy.
«Minskvodakanał» udakładniaje, što ŭ vypadku nieabchodnaści łakacyi aŭtacysternaŭ mohuć być źmienienyja. Pradpryjemstva vybačajecca za niazručnaści.
Paviedamlajecca, što adnoŭlena hazazabiajespčeńnie ŭ rajonie vulicy Ubareviča.
Kamientary