Sud nad babrujskimi padpolščykami: u haražy adnaho ź ich milicyja staviła videažučok
U Babrujsku 22 krasavika pavinna było praciahnucca pasiadžeńnie pa kryminalnaj spravie ab padpale «Tabakierki», razmaloŭvańni rekłamnych kanstrukcyj, spynieńni tavarnaha ciahnika i prabitych kołach ŭ aŭtamabila supracoŭnika milicyi.
Abvinavačanymi pa spravie prachodzić čatyry žychara horada: Alaksandr Nazarovič, Alaksandr Marjasaŭ, Alaksandr Haŭryłaŭ, Vital Vasilevič.
Jak stała viadoma, praces nie adbyŭsia praz toje, što adzin z abvinavačanych źjaŭlajecca kantaktnaj asobaj 1 uzroŭniu pa COVID-19, paviedamlajuć pravaabaroncy.
Na papiarednim pasiadžeńni adbyŭsia dopyt dvuch śviedak i vyvučeńnie piśmovych materyjałaŭ spravy. Jak akazałasia, u haražy padazravanaha Nazaroviča była ŭstalavanaja kamiera. Jana była raźmieščanaja za 8 dzion da zatrymańnia abvinavačanych.
U adzin ź dzion Nazarovič raspaviadaŭ Haŭryłavu, jak naziraŭ za supracoŭnikam milicyi, jaki ranicaj prabiŭ koła aŭtamabila ab padkładzienyja abvinavačanymi vostryja šypy.
Taksama ŭ haražy abmiarkoŭvali padpał ci zamaloŭvańnie baniera, vyviešvańnie ściaha, naniasieńnie roznych nadpisaŭ, źbirali samarobnyja pryłady z hadzińnikavym miechanizmam.
— Pajedziem palić budku? — zapytvaŭ Marjasaŭ u Haŭryłava.
— Pali, ja pakul nie budu, — adkazvaje Haŭryłaŭ.
— Budu palić, — kaža Nazarovič.
U pamiaškańni rychtavali haručuju sumieś, na vulicy praviarali, jak jana haryć. Abmiarkoŭvali palityčnuju situacyju ŭ krainie, a taksama, što padpałam «Tabakierak» i naniasieńniem hrafici naŭrad ci možna źmianić situacyju ŭ lepšy bok. Rychtavali i vypraboŭvali vybuchpakiety.
Kazali i pra toje, što treba ŭ haražy pastavić datčyk ruchu, žartavali nakont datčyka i prasłuchoŭki.
Taksama z rasšyfroŭki vynikaje, što abvinavačanyja Marjasaŭ, Nazarovič i Vasilevič šmat kazali pra roznuju zbroju, u tym liku pra jaje nabyćcio, pra haručaść i inšych ułaścivaści rečyvaŭ i metazhodnaści ich vykarystańnia. Viartalisia da idei padpału abstalavańnia sistemy «BelToll», ale admovilisia ad jaje. Zrazumieła, što jany rychtavalisia da padpału, abmiarkoŭvali materyjały i toje, jak spracuje ich prystasavańnie (nazyvali jaho «pasyłka»), ale da peŭnaha momantu nie viedali, što mienavita buduć padpalvać. U jakaści žartu hučała navat fraza: «Okiej, huhł, što padpalić».
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ16
Kamientary