Karač: Makar vieryć, što ananimna pierapisvajecca ŭ telehramie z kiraŭnikom FSB Bortnikavym
Kiraŭnica kampanii «Naš Dom», palitemihrantka Volha Karač na svaim jutub-kanale adkazała na abvinavačańni z boku eks-siłavika Ihara Makara.
Toj kazaŭ, što aryštavany Juraś Ziankovič palacieŭ u Maskvu pad harantyi biaśpieki ad Karač.
«My z Makaram byli nie duža źviazanyja. Ad jaho patrabavałasia adno: jość kampramat — arhanizuj! I ŭsio. Makar klaŭsia, što kampramat u jaho jość, ale, jak bačym, aproč zapisu piacihadovaj daŭniny, u jaho niama ničoha.
My ź im bačylisia razoŭ 8-10, nie tak šmat. Naturalna, što jon nie byŭ dapuščany ŭ naša vuzkaje koła. I ŭ kamandu, jakaja rychtuje peŭnyja rečy, nie ŭvachodziŭ. Jak minimum z hledzišča biaśpieki, bo bolšaja častka majoj kamandy znachodzicca ŭ Biełarusi.
Apošni raz ja bačyła Ihara Makara 24 sakavika, mienavita tady jon skazaŭ, što ŭ jaho ŭ Maskvie jość vysokapastaŭleny feesbešnik. Čałaviek na litaru «B», a mienavita Alaksandr Bortnikaŭ — kiraŭnik FSB Rasii.
I Makar ź im ananimna pierapisvajecca ŭ telehramie. U pracesie razmovy Ihar udakładniŭ, što Bortnikaŭ užo napisaŭ dakładnuju na imia prezidenta Rasii Uładzimira Pucina, dzie paviedamiŭ, što Ihar Makar — najlepšaja kandydatura na pasadu prezidenta Biełarusi. Prabačcie, mnie dahetul śmiešna.
Paśla hetaha ja vyrašyła spynić kantaktavańnie z Makaram, jaho heta zasmuciła. Jon u hetuju achinieju z ananimnaj pierapiskaj z Bortnikavym ščyra vieryć.
Ja ŭjaŭlaju jak viesialilisia ŭ KDB, kali pierapisvalisia z Makaram, razumiejučy, što hetuju dzikaść jon usprymaje jak čystuju manietu.
Kab zakryć pytańnie, chto zdaŭ Fiadutu i Ziankoviča, chto pracuje na KDB, ja prapanuju duel na palihrafie: ja suprać Ihara Makara».
Čytajcie taksama. Makar rassvaryŭsia z Karač i zajaviŭ, što Ziankovič palacieŭ u Maskvu pad jaje harantyi biaśpieki
Chto taki Ihar Makar — džokier albo pravakatar?
Chto takaja Volha Karač, jakaja choča padsiadzieć Cichanoŭskuju?
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ16
Kamientary