«Situacyja napružanaja, surjoznaja»: Minzdaroŭja prosić na majskija śviaty vykonvać masačny režym i fizičnaje dystancyjavańnie
«Situacyja pa karanavirusnaj infiekcyi surjoznaja, napružanaja, ale kantralavanaja, tamu ja rekamienduju našym hramadzianam napiaredadni vialikich śviataŭ, śviatočnych vychodnych u mai prysłuchacca da rekamiendacyj Minzdaroŭja», — skazaŭ u piatnicu, vystupajučy pierad žurnalistami namieśnik ministra — hałoŭny dziaržaŭny sanitarny doktar Alaksandr Tarasienka.
Jaho słovy cytuje telehram-kanał viedmamstva.
Jon paraiŭ abmiežavać, nakolki heta mahčyma, naviedvańnie miescaŭ masavaha zboru ludziej, vykonvać dystancyju, vykarystoŭvać srodki indyvidualnaj abarony ŭ vyhladzie miedycynskich masak abo paviazak, reśpirataraŭ, a taksama ŭžyvać srodki dezynfiekcyi, u tym liku pry vilhotnych uborkach u damach.
«Ale samaje hałoŭnaje — kab hramadzianie viekam za 60 hadoŭ, a taksama tyja, što majuć chraničnyja zachvorvańni, pa miery mahčymaści abmiežavali svajo znachodžańnie ŭ miescach masavaha zboru nasielnictva», — dadaŭ hałoŭny dziaržaŭny sanitarny doktar.
Hetyja rekamiendacyi taksama tyčacca i tych, chto pierachvareŭ i byŭ vakcynavany.
Alaksandr Tarasienka adznačyŭ, što ŭ minułym hodzie relihijnyja arhanizacyja nakiravali rekamiendacyi pa prafiłaktycy karanavirusnaj infiekcyi, a ŭ hetym hodzie ŭ napiaredadni parvasłaŭnaha Vialikadnia pra ich nahadali.
U pryvatnaści, rekamiendujecca pa mahčymaści abmiežavać kolkaść naviedvalnikaŭ relihijnych arhanizacyj (nie bolš za 50% ad zapaŭnialnaści) abo arhanizavać aŭdyjo-, videatranślacyi nabaženstvaŭ. Naviedvalnikam varta raskazać ab zachavańni biaśpiečnaj sacyjalnaj dystancyi nie mienš za 1-1,5 m i ab vykarystańni masak.
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj55
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju17
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2424
Kamientary