U Babrujsku spynili dźvie palityčnyja kryminalnyja spravy, u zaviadzieńni jašče adnoj — admoŭlena
Halina Juškoŭskaja ź listapada była padazravanaj u abrazie pradstaŭnika ŭłady. Žančynu chacieli abvinavacić u tym, što jana pisała abraźlivyja kamientary ŭ dačynieńni dvuch babrujskich milicyjantaŭ, paviedamlajuć pravaabaroncy.
U jakaści dokazu śledčyja pryvodzili fota ŭ telehram-akaŭncie. Juškoŭskaja kateharyčna admaŭlała, što heta jana. Tym nie mienš, žančynu vyklikali na dopyty, u jaje praviali pieratrus, zabrali mabilny telefon. A 19 lutaha i ŭvohule pasadzili na troje sutak u IČU.
Adnak u toj čas, kali žančyna była ŭ źniavoleńni, kamientary z taho akaŭntu praciahvali źjaŭlacca. Heta i stała asnoŭnym arhumientam abarony. Naprykancy krasavika Halina atrymała pastanovu pra spynieńnie kryminalnaha pieraśledu.
Lidara babrujskaj arhanizacyi «Biełaruskaha niezaležnaha prafsajuza» Siarhieja Hurło taksama vinavacili ŭ abrazie babrujskaha amapaŭca. Mužčyna čakaje suda pad padpiskami ab niavyjeździe i nierazhałošvańni. Ale 30 krasavika jon atrymaŭ list z pastanovaj ab admovie ŭ zaviadzieńni suprać jaho jašče adnoj kryminalnaj spravy (za arhanizacyju masavych biesparadkaŭ) i dźviuch administracyjnych spraŭ.
Naprykancy krasavika pra spynieńnie spravy za pahrozu hvałtu ŭ dačynieńni da milicyjanta daviedaŭsia i Uładzimir Łazaraŭ, jaki jašče letaś byŭ vymušany pakinuć Biełaruś z-za kryminalnaha pieraśledu. Niahledziačy na spynieńnie spravy, Uładzimir pakul nie płanuje viartacca dadomu, bo nie daviaraje ŭładam.
Ciapier čytajuć
Što Babaryka i Kaleśnikava adkazali na pytańni pra vajnu109
Kamientary