Jon daručyŭ da kanca vieraśnia prapracavać usie prablemnyja pytańni pastavak i pierapracoŭki nafty ŭ Biełarusi.
Alaksandr Łukašenka daručyŭ uradu i Administracyi prezidenta da kanca III kvartała 2009 hoda prapracavać usie prablemnyja techničnyja pytańni pastavak i pierapracoŭki nafty ŭ Biełarusi, a taksama vyznačycca sa śpisam pastaŭščykoŭ nafty ŭ našu krainu.
23 červienia Alaksandr Łukašenka pravioŭ naradu pa pytańniach pastaŭki i pierapracoŭki hetaha vidu vuhlevadarodnaj syraviny, paviedamili BIEŁTA u pres‑słužbie kiraŭnika dziaržavy.
Prezident padkreśliŭ,
što «niejkaj nadzvyčajščyny i zryvaŭ» u rabocie naftachimičnaj haliny niama.Dva biełaruskija pierapracoŭčyja pradpryjemstvy zahružany, naftachimičnaja pramysłovaść zabiaśpiečvajecca nieabchodnaj syravinaj. Zadavolvajucca patrebnaść i popyt na naftapradukty nasielnictva, sielskaj haspadarki i inšych halin ekanomiki.
Zadača ŭ tym, kab nie tolki zabiaśpiečyć syravinaj vytvorčyja mahutnaści naftapierapracoŭčych i naftachimičnych pradpryjemstvaŭ, ale i dabicca źnižeńnia materyjalnych, pracoŭnych i finansavych vydatkaŭ, nie dapuskać nijakich pierabojaŭ i tym bolš padaražeńnia haruča‑zmazačnych materyjałaŭ na ŭnutranym rynku.
Alaksandr Łukašenka źviarnuŭ uvahu na toje, što nievypadkova na naradu byli zaprošany pradstaŭniki dziełavych kołaŭ.
Pavodle słoŭ kiraŭnika dziaržavy, niadaŭnija jaho sustrečy ź biźniesmienami ź inšych krain pakazali, što najbolš efiektyŭna realizujucca maštabnyja prajekty i vyrašajucca lubyja ekanamičnyja pytańni, kali biźniesmieny i adkaznyja asoby dziaržaparatu pracujuć sumiesna. U pryvatnaści, na naradzie prysutničali pradstaŭniki rasijskich kampanij «Łukojł», «Hazpramnafta», «Transnafta», «TNK‑BP» — bujniejšych pastaŭščykoŭ nafty ŭ Biełaruś.
Kiraŭnik dziaržavy ličyć hałoŭnym siońnia vyznačyć najbolš vyhadnyja jak biźniesmienam, tak i dziaržavie miery palapšeńnia supracoŭnictva, źniać navat samyja niaznačnyja pieraškody i barjery dabicca maksimalnaha efiektu ŭ sumiesnaj dziejnaści.
Na dumku Łukašenki, prablemy ŭ adnosinach Biełarusi i Rasii časta ŭźnikajuć z‑za niazdolnaści ich vyrašać na bolš nizkim uzroŭni. «Časam my z Rasijaj łob u łob sutykajemsia jašče i z pryčyny taho, što pradprymalniki, biźniesmieny i ŭrady pačynajuć vynosić pytańni na ŭzrovień prezidentaŭ. Hetaha być nie pavinna. Ni ja, ni Miadźviedzieŭ nie admaŭlajemsia vyrašać pytańni, ale tolki ŭ tym vypadku, kali vy ich vyrašyć nie zmožacie», — padkreśliŭ Alaksandr Łukašenka, źviartajučysia da ŭdzielnikaŭ narady.
Asnoŭny naftavy patok u Biełaruś pastupaje z Rasii — u adpaviednaści z uzhodnienym bałansam syraviny Sajuznaj dziaržavy na 2009 hod u abjomie 21,5 młn.t. U cełym hetaj kolkaści nafty dastatkova dla poŭnaj zahruzki vytvorčych mahutnaściej biełaruskich zavodaŭ. Ale ciapier niekatoryja rasijskija kampanii — pastaŭščyki nafty ŭ metach atrymańnia bolšaj vyhady ŭ asobnyja miesiacy nie vybirajuć uzhodnienyja raniej kvoty pa pastaŭkach hetaj syraviny na našy pierapracoŭčyja zavody, a čakajuć, kali na rynku składziecca bolš pryvabnaja kanjunktura. U vyniku heta bje pa dachodach dziaržavy ad dziejnaści biełaruskich NPZ.
Alaksandr Łukašenka zapatrabavaŭ razabracca ŭ hetaj situacyi.
«My damaŭlalisia, što kali kampanija nie vykonvaje kvotu, to jana nie pavinna pracavać na našym rynku. Treba pracavać z tymi kampanijami, jakija vytrymlivajuć damoŭlenaści štomiesiac»,— skazaŭ jon. Pry hetym pastaŭščykam, jakija zabiaśpiečvajuć stabilnyja adhruzki nafty na biełaruskija NPZ, dziaržava hatova pradastaŭlać bolš vyhadnyja ŭmovy raboty ŭ Biełarusi.
Łukašenka zapatrabavaŭ: «Nieabchodna vychodzić na vyraznyja, doŭhaterminovyja, partniorskija adnosiny. Sumlenna i adkryta vieści dyjałoh. Tamu da kanca III kvartała biahučaha hoda vyznačyciesia, z kim vy budziecie pracavać».
Akramia taho, kiraŭnik dziaržavy źviarnuŭ uvahu na toje, što, niahledziačy na stabilnaść raboty naftachimičnaj haliny Biełarusi, nieabchodna šukać bolš dziejsnyja varyjanty pastavak u krainu nafty i realizacyi naftapraduktaŭ.Heta daść mahčymaść pavysić efiektyŭnaść raboty haliny, atrymać vyjhryš u biudžetnaj i valutnaj śfierach, na spažyvieckim rynku.
Pastaŭki nafty z Rasii ŭ našu krainu ažyćciaŭlajucca dvuma sposabami: bolš tannym trubapravodnym transpartam (18 młn.t u 2009 hodzie) i čyhunkaj (3,5 młn.t). Jak ličyć kiraŭnik dziaržavy, tut isnuje vidavočny rezierv dla pavyšeńnia efiektyŭnaści pastavak nafty za košt źnižeńnia transpartnych raschodaŭ.
Vyrašać hetu prablemu, na dumku kiraŭnika dziaržavy, možna nie tolki šlacham pavieličeńnia doli pastavak naftapravodami, ale i vykarystoŭvajučy čyhunačny transpart dla pieravozki bolšaj kolkaści vysakajakasnaj nafty. Usio heta daść mahčymaść zabiaśpiečyć maksimalna efiektyŭnuju rabotu biełaruskich naftapierapracoŭčych zavodaŭ.
Prezident padkreśliŭ, što na praciahu apošnich hadoŭ asablivaja ŭvaha ŭdzialałasia madernizacyi pradpryjemstvaŭ naftapierapracoŭčaj haliny, byŭ realizavany šerah finansavajomistych mierapryjemstvaŭ, nakiravana sotni miljonaŭ dołaraŭ.
Pavodle słoŭ kiraŭnika dziaržavy, hetyja kapitałaŭkładańni dajuć addaču. Dziakujučy pravodžanaj madernizacyi pavialičana hłybinia pierapracoŭki nafty, heta značyć z kožnaj jaje tony atrymlivajecca bolš praduktaŭ, jakija karystajucca popytam. Ich jakaść daviedziena da vysokich mižnarodnych standartaŭ, uzhodniena ŭzajemavyhadnaja formuła cany pastaŭlajemaj syraviny. Dla pavyšeńnia efiektyŭnaści prodažaŭ hatovaj pradukcyi na źniešnich rynkach stvorana Biełaruskaja naftavaja kampanija. Adnak, na dumku Łukašenki, zadziejničany daloka nie ŭsie reziervy ekanomii srodkaŭ, pačynajučy ad pastaŭki syraviny i da realizacyi hatovaj pradukcyi.
Na naradzie taksama abmiarkoŭvałasia pytańnie mietodyki raźliku subsidyj pastaŭščykam davalnickaj nafty z Rasii.
Litoŭski viaskovy padvorak na miažy ź Biełaruśsiu vyhladaje, jak aŭtasałon pa prodažy premijalnych aŭto VIDEA1
Kamientary