Nikałas Madura zajaviŭ ab tym, što hatovy sustrecca z pradstaŭnikami apazicyjnych kołaŭ, u tym liku ź ich lidaram Chuanam Huajda, piša TASS.
«Ciapier Huajda choča sieści sa mnoj, kab pahavaryć. Ja zhodny. Z dapamohaj Jeŭrapiejskaha sajuza, urada Narviehii i Mižnarodnaj kantaktnaj hrupy, ja hatovy sustrecca z usioj apazicyjaj, kali jany chočuć i dzie jany chočuć», — zajaviŭ Madura, vystup jakoha tranślavaŭsia pa dziaržaŭnym telebačańni.
Na dumku Madury, Vašynhton daŭ ukazańnie lidaru apazicyi pačać pieramovy ź im.
Napiaredadni Huajda prapanavaŭ pačać pieramovy pamiž palityčnymi siłami krainy pry ŭdziele mižnarodnaj supolnaści, kab znajści vychad z kryzisnaj situacyi.
U 2019 hodzie Huajda pastaviŭ pad pytańnie lehitymnaść Madury paśla sprečnych vynikaŭ prezidenckich vybaraŭ i abviaściŭ, što, jak śpikier parłamienta, moža vykonvać abaviazki kiraŭnika dziaržavy da novych vybaraŭ. Jaho pryznali ZŠA, krainy Hrupy Limy (za vyklučeńniem Mieksiki), Arhanizacyja amierykanskich dziaržaŭ i bolšaść čalcoŭ Jeŭrasajuza. Madura nazvaŭ toje, što adbyłosia, sprobaj pieravarotu i z pasady nie syšoŭ.
Vieniesueła pieražyvaje sacyjalna-ekanamičny kryzis, jaki supravadžajecca hipierinflacyjaj, devalvacyjaj nacyjanalnaj valuty i deficytam tavaraŭ pieršaj nieabchodnaści. Pavodle AAN, krainu pakinuli kala 4,5 młn čałaviek. U lutym CB Vieniesueły paviedamiŭ, što inflacyja ŭ 2020 hodzie ŭ krainie skłała 2959,8%, ceny vyraśli na 2840%.
Kamientary