Hienieralny sakratar AAN Antoniu Huteryš nazvaŭ rasijskuju vakcynu suprać karanavirusa «Sputnik V» adnym z klučavych elemientaŭ dla vyrašeńnia prablemy vakcynacyi ŭ śviecie. Pra heta jon paviedamiŭ padčas sumiesnaj pres-kanfierencyi z kiraŭnikom MZS Rasii Siarhiejem Łaŭrovym, piša RBK.
«My ličym, što «Sputnik V» — heta taksama adzin z klučavych elemientaŭ, jaki dazvolić nam vyrašyć prablemu vakcynacyi», — ukazaŭ hienieralny sakratar AAN.
Jon taksama nazvaŭ «vielmi dobrym znakam» toje, što Rasija dała mahčymaść supracoŭnikam AAN pryščapicca «Sputnikam V».
Huteryš dadaŭ, što karanavirus raspaŭsiudžvajecca pa śviecie «jak lasny pažar», tamu vielmi važna, kab usie ludzi byli vakcynavanyja. Hienieralny sakratar taksama źviarnuŭ uvahu na nieabchodnaść vyrašeńnia pytańniaŭ ź licenzijaj i technałahičnaj padtrymkaj krainam-vytvorcam vakcyn. Jon adznačyŭ nieabchodnaść padtrymać mižnarodny miechanizm COVAX, dzie «pa-raniejšamu jość prablemy z pastaŭkami i finansavańniem».
Kamientary