Hetaje śviata adnosicca da najvažniejšych u kalendary.
Ušeście (Uniebaŭšeście) zaŭsiody prypadaje na čaćvier i adznačajecca na 40-y dzień paśla Vialikadnia.
Ličycca, što na sarakavy dzień paśla Uvaskresieńnia Isus źjaviŭsia svaim vučniam u Ijerusalimie. Chrystos havaryŭ ź imi pra padziei, śviedkami i ŭdzielnikami jakich jany stali, i ab chutkim spasłańni na ich Śviatoha Ducha, jaki daść im siłu prapaviedavać chryścijanstva pa ŭsim śviecie. Isus vyvieŭ apostałaŭ z horada na Aliŭnuju haru, błasłaviŭ ich i staŭ addalacca, uzychodziačy na nieba, a zasmučonym rasstańniem z nastaŭnikam apostałam źjavilisia dva anioły, jakija pradrakli druhoje pryšeście Chrysta, piša «Źviazda».
Pa tradycyi na Ušeście piakuć pirahi ź zialonaj cybulaj i simvaličnyja leśvički (padoŭžanaj formy chleb, bułki, pirahi, kulabiaki z upryhažeńniami ź ciesta ŭ vyhladzie nadrezaŭ, jak by leśvičnych prystupak). Kab Chrystu było lahčej padymacca na nieba.
Kamientary