Davierčyja hramaty Łukašenku pryvieźli pasły Rasii, Ruandy, Nikarahua, Śjera-Leone, Iraka i Saudaŭskaj Aravii
Alaksandr Łukašenka pryniaŭ davierčyja hramaty pasłoŭ šaści krain.
Cyrymonija prajšła ŭ Pałacy Niezaležnaści.
Davierčyja hramaty kiraŭniku biełaruskaj dziaržavy ŭručyli pasły Iraka, Nikarahua, Rasii, Ruandy, Saudaŭskaj Aravii i Śjera-Leone.
Łukašenka, naprykład, raskazaŭ pasłam, što ŭ Biełarusi zahinuŭ kožny treci jaje žychar, pieravažna — mirnaje nasielnictva. «Pa sutnaści, heta było metanakiravanaje, žorstkaje i biesčałaviečnaje vyniščeńnie ludziej, sapraŭdny hienacyd. My heta pamiatajem i ŭ majskija dni štohod słavim hierojaŭ, smutkujem ab šmatmiljonnych niavinnych achviarach», — zajaviŭ jon.
Taksama jon sa škadavańniem kanstatavaŭ: siońnia situacyja ŭ śviecie dalokaja ad spakojnaj. Baraćbu za hieapalityčny ŭpłyŭ, pieradzieł śfier intaresaŭ u ekanomicy abvastryła pandemija karanavirusa, jakaja jašče bolš uzmacniła supiarečnaści.
«My nie možam heta ihnaravać, dakładna tak, jak i vy, — adznačyŭ Łukašenka. — Nie stamlusia paŭtarać, što tolki sam biełaruski narod maje prava vyrašać, jakoj pavinna być jaho budučynia».
Jon taksama raskazaŭ, što ŭ lutym u Minsku prajšoŭ Usiebiełaruski narodny schod.
Kamientary