Alaksandr Łukašenka sustreŭsia z kiraŭnikami Kanstytucyjnaj kamisii Biełarusi.
«My robim Kanstytucyju budučyni našaj dziaržavy. I kali my chočam, kab dziaržava była ščyraj, sumlennaj i spraviadlivaj, takaja pavinna być Kanstytucyja i pryniaćcie jaje pavinna być takim.
Kali ludzi padtrymajuć novy prajekt Kanstytucyi, być hetaj Kanstytucyi. Nie padtrymajuć — u nas ža Kanstytucyja jość. Ale treba zrabić tak, kab ludzi padtrymali naš prajekt novaj Kanstytucyi. A kab padtrymali, jana pavinna adpaviadać zapytam hetych ludziej», — cytuje Łukašenku BiełTA.
Jon taksama źviarnuŭ uvahu, što mnohaje budzie zaležać ad elity biełaruskaha hramadstva — kiraŭnictva krainy ŭsich uzroŭniaŭ, jurydyčnaj hramadskaści, adukavanych, razumnych i talenavitych hramadzian, jakija buduć nie tolki vykazvać svajo mierkavańnie, ale i vieści za saboj hramadstva.
Łukašenka adznačyŭ, što ciapierašniuju pramiežkavuju sustreču było prapanavana pravieści kiraŭnictvam Kamisii, kab abmierkavać niekatoryja pytańni, jakija padnimajucca na jaje pasiadžeńniach.
«Dumaju, što my apieratyŭna razhledzim hetyja pytańni. Ja chaču, kab vy viedali maju pazicyju, što na hetym etapie ja praktyčna nie ŭmiešvajusia (vy heta adčuvajecie) u pracu Kanstytucyjnaj kamisii. Ale pry nieabchodnaści, kali budzie takoje z vašaha boku patrabavańnie, dla abmierkavańnia niejkich kankretnych pytańniaŭ my źbiaremsia i abmiarkujem. Voś jak siońnia», - skazaŭ prezident.
Alaksandr Łukašenka taksama zajaviŭ, što kali prajekt abnoŭlenaj Kanstytucyi budzie padrychtavany, to tady ŭžo ź jaho ŭdziełam adbudziecca pryncypovaje padrabiaznaje čytańnie hetaha prajekta: «źbiaremsia i budziem čytać pa raździełach, paartykulna, asabliva źviartajučy ŭvahu na navacyi. Ja budu vykazvać svajo mierkavańnie. Vy svajo vykažacie ŭ prajekcie. Ale heta ž nie značyć, što ŭsio budzie adnahałosna — chto-niebudź z členaŭ kamisii nie pahodzicca z navacyjami prajekta, inšyja orhany ŭłady paśla aznajamleńnia mohuć unieści niejkija prapanovy, hramadzianie, kali vyniesiem na abmierkavańnie. My heta ŭsie pavinny ŭličvać».
Kamientary