Zatrymanych za bieł-čyrvona-bieły ściah na Minskim mory pakarali sutkami
Siońnia praciahnulisia sudy nad minčukami, jakich zatrymali 11 maja na Minskim mory za BČB-ściah. Na ich skłali pratakoły pa artykule 24.23 KaAP.
Pra sud nad Paŭłam Hureckim nie paviedamili navat jaho svajakam, jakija dva dni čakali razhladu spravy ŭ sudzie Minskaha rajona. Siońnia stała viadoma, što sudździa Anton Kołabaŭ tajemna asudziŭ jaho jašče ŭčora na 15 sutak.
Spravu 22-hadovaj Aliny Bukałavaj razhladaŭ sudździa Vadzim Kaziej. Dziaŭčyna svaju vinu nie pryznała i patłumačyła sudu, što da hetaj sustrečy ni z kim nie była znajomaja. Sa słovaŭ Aliny, jana pryjechała tudy sa svaim chłopcam i nie bačyła nijakaj simvoliki. Na ahulnym fota, jakoje jość ŭ mieteryjałach spravy, jaje taksama niama, a pra BČB-ściah dziaŭčyna daviedałasia tolki ŭ RUUSie. U vyniku, sudździa Kaziej aryštavaŭ Bukałavu na 10 sutak.
22-hadovaja Alina Asipienka taksama budzie adbyvać 10-sutačny aryšt pa rašeńni sudździ Kazieja. Svoj Dzień narodzinaŭ dziaŭčyna adznačyć na Akreścina.
Sudździa Alena Novikava pakarała Dźmitryja Lubachonskaha 15-sutačnym aryštam.
Ahułam usiu kampaniju na Minskim mory za BČB-ściah asudzili na 85 sutak.
Kamientary