Miascovy zbor za pierasiačeńnie transpartnymi srodkami miažy Biełarusi ŭ Homielskaj i Hrodzienskaj abłaściach uviaduć z 1 červienia, paviedamlajecca na sajcie Dziaržaŭnaha pamiežnaha kamiteta.
![](http://nnexpictures.fra1.digitaloceanspaces.com/img/w732d4webp1/photos/z_2021_05/m210515-15uar.jpg.webp)
Na terytoryi Homielskaj i Hrodzienskaj abłaściej zbor dla transpartnych srodkaŭ da piaci ton ustanoŭleny ŭ pamiery adnoj bazavaj vieličyni (29 rubloŭ). Jaho vypłata budzie ažyćciaŭlacca kiroŭcam aŭtamabila ŭ biełaruskich rublach da pierasiačeńnia abo pry pierasiačeńni miažy ŭ punktach propusku.
Zbor budzie vypłačvajecca ŭ dachody adpaviednaha abłasnoha biudžetu pa miescy raźmiaščeńnia punktaŭ propusku praź miažu. U vypadku vypłaty zboru ŭ abłasny biudžet nie pa miescy raźmiaščeńnia punkta propusku, praź jaki pierasiakajecca miaža, zbor budzie ličycca niavypłačanym.
Kamu nie treba płacić zbor?
Ad vypłaty padatku pry najaŭnaści paćviardžajuć dakumientaŭ vyzvalajucca:
— kiroŭcy, što jeduć na pachavańnie členaŭ siamji i blizkich svajakoŭ, a taksama supravadžajuć pamierłych dla pachavańnia;
— udzielniki i invalidy Vialikaj Ajčynnaj vajny;
— invalidy I i II hrup, a taksama ludzi, jakija ich supravadžajuć;
— udzielniki likvidacyi nastupstvaŭ katastrofy na Čarnobylskaj AES.
— hramadzianie Biełarusi, jakija vyjazdžajuć na lačeńnie ŭ sanatorna-kurortnyja ŭstanovy.
Pa rašeńni abłasnych Savietaŭ deputataŭ dadzieny pieralik moža być pašyrany.
Dakumient, jaki paćviardžaje vypłatu zboru, treba padać u punktach propusku supracoŭniku orhanaŭ pamiežnaj słužby.
U tych punktach propusku, u jakich pamiežny kantrol ažyćciaŭlajecca mytnymi orhanami, dakumient ab apłacie nieabchodna pradastavić słužbovaj asobie mytni.
Apłatu zboru možna ažyćciavić jak da pierasiačeńnia dziaržaŭnaj miažy, apłaciŭšy zahadzia va ŭstanovie banka, tak i pry pierasiačeńni dziaržaŭnaj miažy ŭ punkcie propusku.
-
Łukašenka: Paśla abvastreńnia stanovišča na miažy ŭ vajenkamaty źviarnulisia tysiačy dobraachvotnikaŭ
-
Top-7 novaŭviadzieńniaŭ amnistyi-2024 — palohka žančynam, asudžanym za narkotyki ci zabojstva, u jakich jość dzieci
-
Łukašenka: Siońnia nas sprabuje vučyć uvieś Jeŭrasajuz na čale sa Złučanymi Štatami
Čatyrochhadovaja Maja Lubimcava, jakuju šukali bolš za sutki, zahinuła
![](http://nnexpictures.fra1.digitaloceanspaces.com/img/w450h300crop1webp1/photos/z_2024_07/maja240703-6qkyg.jpg.webp)
Kamientary