Biełarusy źviarnulisia da Suśvietnaha rehulatara damienaŭ z prośbaj zabrać damien .by u AAC. Što im adkazali?
Paśla błakavańnia Tut.by i vizitu siłavikoŭ u Hoster.by biełarusy na zaklik telehram-kanałaŭ pasprabavali ŭ listach da ICANN pierakanać suśvietnaha rehulatara damiennych imionaŭ pazbavić Apieratyŭna-analityčny centr pry prezidencie Biełarusi (AAC) prava kiravać damiennaj zonaj .by.
Na ciońnia paŭnamoctvami hałoŭnaha administratara damiennaj zony. by vałodaje mienavita AAC. Ale za ŭsimi damiennymi administratarami staić suśvietny rehulatar damiennych imionaŭ — ICANN, jaki maje prava pazbavić damiennaha administratara hetych paŭnamoctvaŭ šlacham pieradelehavańnia ich inšaj arhanizacyi. Pra heta havaryłasia ŭ zakliku da ICANN. Dziasiatki ludziej dałučylisia da inicyjatyvy i stali adpraŭlać u ICANN listy, z prośbaj źviarnuć uvahu na situacyju ŭ Biełarusi.
Vydańnie dev.by atrymała kopiju adkazu ad ISANN:
«Škadujem ab prablemach, ź jakimi vy sutyknulisia z damienam .by. Damiennyja imiony, jakija skončvajucca na dvuchlitarny kod krainy — damieny vierchniaha ŭzroŭniu (ccTLD), takija jak.by, administrujucca country-code mieniedžarami. Apieratary pryznačajucca ŭ kožnaj krainie ŭ adpaviednaści ź miascovym zakanadaŭstvam sumiesna ź miascovaj interniet-supolnaściu i miascovymi orhanami ŭłady. U ICANN niama paŭnamoctvaŭ udzielničać u praviadzieńni apieracyj ccTLD i niama damoŭnych paŭnamoctvaŭ dla pryniaćcia mier pa vykanańni patrabavańniaŭ u dačynieńni da apierataraŭ ccTLD», — adkazali ŭ ISANN.
Sa skarhami i pytańniami pa temie ICANN prapanavaŭ źviartacca ŭ AAC, ukazaŭšy jaho poštu i telefon.
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant31
Kamientary