Va Ukrainie z aŭkcyjonu pradajuć turmy: lvoŭskaja pajšła za $13,8 miljona
Na aŭkcyjonie ŭ ramkach «Vialikaha rasprodažu turmaŭ» pradali majomaść Lvoŭskaj papraŭčaj kałonii №48. Pra heta ŭ svaim fejsbuku paviedamiŭ ministr justycyi krainy Dzianis Maluśka, piša VVS.
Pavodle jaho słoŭ, startavaja cana abjekta składała 132 miljony hryŭniaŭ, ale pa vynikach tarhoŭ pakupnik pahadziŭsia vykłaści za jaje 377 miljonaŭ (kala $13,8 młn).
«Tvoj tvar, kali turmy razychodziacca jak haračyja piražki», — napisaŭ Dzianis Maluśka, prymacavaŭšy svajo fota.
Ministr raspavioŭ, što srodki, atrymanyja z prodažu turmaŭ, raźmiarkujuć pa pryncypie 30 na 70: 30% pieraličać u dziaržbiudžet, a 70% pojduć na adnaŭleńnie infrastruktury inšych ukrainskich turmaŭ.
«Zamiest zakinutaha i łamanaha chłamu my atrymajem novyja turmy, jakija adpaviadajuć jeŭrapiejskim standartam i nie źjaŭlajucca hańbaj dla dziaržavy», — zajaviŭ Maluśka.
Ab płanach pačać «vialiki rasprodaž turmaŭ» u Miniuście Ukrainy paviedamili ŭ minułym hodzie.
Na dumku ministra, takija abjekty mohuć być cikavyja pakupnikam pierš za ŭsio praź vialikija ziamielnyja ŭčastki z užo padviedzienymi inžyniernymi sietkami.
«Što vyraście na ich miescy — zavody, žyłyja kompleksy, handlova-zabaŭlalnyja kompleksy — heta ŭžo nie da nas, a da budučych ułaśnikaŭ», — zajaŭlaŭ ministr.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary