Najbujniejšyja sponsary prapanavali pieranieści Alimpijadu ŭ Tokia na niekalki miesiacaŭ
Najbujniejšyja japonskija sponsary Alimpijskich hulniaŭ u Tokia ŭ pryvatnym paradku zaklikajuć adkłaści hulni na niekalki miesiacaŭ, kab ich mahło naviedać bolš hledačoŭ.
Pra heta paviedamlaje Financial Times sa spasyłkaj na krynicy, piša RBK.
Kampanii niepakojacca za vyniki svaich markietynhavych kampanij. Z-za hetaha jany źviarnulisia da arhanizataraŭ spabornictvaŭ. Prapanova była zroblena ŭ apošnija tydni na fonie rostu niezadavolenaści siarod 47 japonskich kampanij, jakija ŭ sukupnaści zapłacili bolš za $3 młrd na padtrymku hulniaŭ.
Hulni pavinny stać samaj spansavanaj spartyŭnaj padziejaj u historyi, ale apytańni hramadskaj dumki pakazvajuć, što da 80% adsotkaŭ japoncaŭ chočuć admianić abo adkłaści Alimpijskija hulni.
Kiraŭnik adnoj z karparatyŭnych kampanij, jakija vystupajuć sponsarami hulniaŭ skazaŭ: «Ja nie dumaju, što heta prapanova mocna paŭpłyvaje na arhanizataraŭ, tamu što jany, zdajecca, całkam nastrojeny pačać 24 lipienia. Ale z našaha punktu hledžańnia, praviadzieńnie hulniaŭ u bolš poźni čas maje značna bolš sensu, čym kali-niebudź».
U jakaści arhumientaŭ jon pryvioŭ toje, što ŭ toj čas nadvorje budzie nie takim haračym, a kolkaść vakcynavanych pavialičycca, što dazvolić bolšaj kolkaści hledačoŭ nazirać za hulniami. Ahulnaja kolkaść ludziej, jakija atrymali choć by adnu pryščepku, u Japonii pieravysiła 14 miljonaŭ čałaviek, što składaje 11% ad usiaho nasielnictva.
Arhkamitet Tokia-2020 pakul nie prakamientavaŭ historyju ź pieranosam hulniaŭ.
Pieršapačatkova Alimpijada ŭ Tokia pavinna była prajści z 24 lipienia da 9 žniŭnia 2020 hoda, ale praz karanavirus była pieraniesienaja roŭna na hod.
Kamientary