MZS: Pasoł ZŠA moža padtrymlivać lubyja zakonnyja pamknieńni lubych hramadzian choć u Hrenłandyi abo na Paŭnočnym polusie
Takim čynam pres-sakratar MZS Anatol Hłaz prakamientavaŭ słovy pradstaŭnika Dziarždepartamienta ZŠA Neda Prajsa, što, niahledziačy na ŭviedzienyja ŭčora biełaruskim bokam zachady ŭ adkaz na sankcyi ZŠA, pasoł ZŠA ŭ Biełarusi Džuli Fišer praciahnie padtrymlivać demakratyčnyja pamknieńni biełaruskich hramadzian za miežami krainy.
Adkaz Anatola Hłaza źmieščany na sajcie MZS.
«Heta całkam pravilna. Džuli Fišer asabista moža padtrymlivać lubyja zakonnyja pamknieńni lubych hramadzian choć u Hrenłandyi abo na Paŭnočnym polusie. Bo nijakaha aficyjnaha dačynieńnia da Biełarusi jana pakul nie maje. Heta pryncypova važna.
«U adpaviednaści z punktam 1 artykuła 13 Vienskaj kanviencyi ličycca, što kiraŭnik pradstaŭnictva prystupiŭ da vykanańnia svaich funkcyj u dziaržavie znachodžańnia albo z momantu ŭručeńnia svaich davierčych hramat, albo z momantu paviedamleńnia ab svaim prybyćci i pradstaŭleńnia zavieranych kopij hramat. Tak što da zaviaršeńnia akredytacyi Dž.Fišer maje tolki hučny status pryznačanaha pasła ZŠA ŭ Biełarusi, da taho ž vyklučna dla ŭnutranych met amierykanskaha boku. Nijakich mižnarodna-pravavych padstaŭ dla inšaha tłumačeńnia nie majecca, roŭna jak i dla taho, kab ličyć aficyjnymi jaje zajavy albo inšuju dziejnaść u dačynieńni da našaj krainy», — skazaŭ Anatol Hłaz.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary